नालासोपाऱ्यात धक्कादायक घटना! पत्नीच्या WhatsApp स्टेटसवर अश्लील कमेंट केल्याने जाब विचारणाऱ्या पती आफताब शेखची निर्घृण हत्या करण्यात आली. लग्नाच्या वाढदिवशीच ही दुर्दैवी घटना घडली. आरोपी मेहंदी हसन शेखने रागाच्या भरात चाकूने वार करून आफताबचा जीव घेतला. मेहंदी शेखला पोलिसांनी अटक केली असून, तो सराईत गुन्हेगार असल्याचे समोर आले आहे. या घटनेमुळे संपूर्ण शहर हादरले आहे.
राज्यभरात गुन्ह्यांचे प्रमाण प्रचंड वाढलं असून कायद्याचा धाक , भीती उरली आहे की नाही असा प्रश्न पडावा अशा घटना घडताना दिसत आहेत. मुंबईपासून हाकेच्या अंतरावर असलेल्या नालासोपाऱ्यात अशीच एक अतिशय धक्कादायक आणि हादरवणारी घटना घडली आहे. पत्नीचं व्हॉट्सॲप स्टेटस पाहून त्यावर अत्यंत अश्लील कमेंट आणि शिवीगाळ करणाऱ्याला जाब विचारणं तरूणाला खूपच महागात पडलं. (Nalasopara) त्याला आपला जीवच गमवावा लागला. रागाच्या भरात झालेल्या वादाचे पर्यवसन इतक्या भयानक घटनेत होईल, याची कोणी कल्पनाही केली नव्हती. शुक्रवारी पहाटे नालासोपाऱ्यात घडलेल्या हत्याकांडामुळे फक्त शहरच नव्हे तर अख्खी मुंबईच हादरली.आफताब शेख (24) असं मृत तरूणांच नाव असून मेहंदी हसन शेख (22) असं मारेकरी आरोपीचं नाव आहे. या भयानक घटनेची माहिती मिळताच पोलिसांनी त्याला बेड्या ठोकून अटक केली असून सध्या याप्रकरणी अधिक तपास सुरू आहे.
मिळालेल्या माहितीनुसार, मृत तरूण आफताब हा त्याची पत्नी शबाना ( वय 22) हिच्यासोबत नालासोपारा पूर्वेच्या प्रगती नगर येथे रहायचा. शुक्रवारी त्यांच्या लग्नाचा वाढदिवस होता, त्यामुळेच शबाबाने तिच्या व्हॉट्सॲप स्टेटसवर यासंदर्भातील स्टेटस ठेवलं होतं.(Nalasopara) मात्र ते स्टेटस पाहून आरोपी मेहंदी शेख याने त्यावर अत्यंत आक्षेपार्ह शब्दात, अश्लील भाषेत शिवीगाळ केली.तो एवढ्यावरच थांबला नाही, तर त्याने इन्स्टाग्रामवरही शबानाला अश्लील भाषेत शिवीगाळ केली. ते पाहून शबानाचा पती आपताब संतापला. पत्नीसह तो शुक्रवारी सकाळीच नालासोपारा पश्चिमेकडील हनुमान नगर येथे राहणाऱ्या मेहंदीच्या घरी पोहोचला.
तेथे जाऊन त्याने मेहंदी याला याबाबात जाब विचारला. त्यावेळी दोघांमध्ये बाचाबाची झाली आणि पाहता पाहता मोठा वाद पेटला, हाणामारीही झाली. संतापाच्या भरात मेहंदी य़ाने चाकू घेऊ आफताबवर सपासप वार केले. त्याचा हल्ला, चाकूचे वार एवढे भीषण, खोलवर होते की आफताब तिथेच खाली कोसळला आणि त्याचा जागीच मृत्यू झाला. लग्नाच्या वाढदिवशीच त्याचा दुर्दैव अंत झाला. या हत्याकांडामुळे प्रचंड खळबळ उडाली.
या घटनेची माहिती मिळताच नालासोपारा पोलिसांनी घटनास्थळी धाव घेत आरोप मेहंदी हसन शेख याला बेड्या ठोकत अटक केली. पोलिसांकडून मिळालेल्या माहितीनुसार, मेहंदी शेख हा सराईत गुन्हेगार आहे.(Nalasopara) याआधी त्याच्यावर ‘पोक्सो’ अंतर्गत गुन्हा दाखल झाला होता, त्याला अटकही करण्यात आली होती. मृत आफताब आणि आरोपी मेहंदी हे आधी शेजारी शेजारी रहायचे, त्यांची आधीपासूनच ओळख होती, असंही पोलिसांनी सांगितलं. याप्रकरणी अधिक तपास करण्यात येत आहे.
हेही वाचा :
स्मार्ट वॉच खरेदी करण्याचा विचार करताय? मग हे आहे सर्वात बेस्ट
‘प्लास्टिकमध्ये गुंडाळून जेवण’चा विचित्र ट्रेंड व्हायरल; आरोग्यावर परिणामांबाबत नेटिझन्स चिंतेत