ICC T20 World Cup 2026 च्या सुपर 8 फेरीत श्रीलंकेविरुद्ध पाकिस्तानसाठी (do or die) करो किंवा मरो अशी परिस्थिती निर्माण झाली होती. उपांत्य फेरी गाठण्यासाठी केवळ विजय पुरेसा नसून 64 धावांनी मोठा फरक राखणे आवश्यक असल्याने पाकिस्तानी फलंदाजांवर प्रचंड दबाव होता. मात्र या दबावाला न जुमानता त्यांनी आक्रमक सुरुवात करत सामन्याचा रंगच बदलून टाकला.
साहिबजादा फरहान आणि फखर जमान यांनी डावाची (do or die) सुरुवात करताना श्रीलंकन गोलंदाजांवर हल्लाबोल चढवला. पहिल्याच षटकापासून दोघांनी फटकेबाजी करत धावगती उंचावली. या जोडीने पहिल्या विकेटसाठी तब्बल 176 धावांची भागीदारी रचत पाकिस्तानला भक्कम पायाभरणी करून दिली. फरहानची खेळी विशेष ठरली. त्याने केवळ 59 चेंडूत शतक पूर्ण करत स्टेडियम दणाणून सोडलं. त्याच्या या खेळीत 9 चौकार आणि 5 षटकारांचा समावेश होता, तर स्ट्राईक रेट 166 पेक्षा अधिक होता. फखर जमाननेही आक्रमक फलंदाजी करत संघाला 200 पार नेण्यात मोलाची साथ दिली.
निर्धारित 20 षटकांत (do or die) पाकिस्तानने 8 गडी गमावत 212 धावा उभारल्या आणि श्रीलंकेसमोर 213 धावांचं आव्हान ठेवलं. मात्र या सामन्याचं खरं वैशिष्ट्य ठरलं ते साहिबजादा फरहानने केलेले विक्रम. टी20 वर्ल्डकपच्या एका पर्वात दोन शतकं झळकावणारा तो केवळ दुसरा फलंदाज ठरला. यापूर्वी हा पराक्रम Chris Gayle याने केला होता. पाकिस्तानकडून एका पर्वात दोन शतकं ठोकणारा तो पहिलाच खेळाडू ठरला आहे. तसेच टी20 आंतरराष्ट्रीय क्रिकेटमध्ये पाकिस्तानकडून सर्वाधिक शतकांचा विक्रम सध्या Babar Azam यांच्या नावावर असून फरहान त्यांच्यापासून केवळ एका शतकाने मागे आहे.
फरहानच्या या शतकी खेळीने आणखी एक मोठा विक्रम (do or die) मोडला. 2014 मध्ये ICC T20 World Cup 2014 दरम्यान Virat Kohli यांनी सहा डावांत 319 धावा करत स्पर्धेच्या एका पर्वातील सर्वाधिक धावांचा विक्रम प्रस्थापित केला होता. तब्बल बारा वर्षांनंतर फरहानने हा टप्पा ओलांडत नवा इतिहास रचला आहे.
आता खरी कसोटी पाकिस्तानच्या (do or die) गोलंदाजांची असणार आहे. उपांत्य फेरीचं स्वप्न जिवंत ठेवण्यासाठी श्रीलंकेला 147 धावांवर रोखणं अत्यावश्यक आहे. जर श्रीलंकेने 148 धावांचा टप्पा गाठला, तर पाकिस्तानचं स्पर्धेतील आव्हान संपुष्टात येणार आहे. त्यामुळे सामन्याचा दुसरा अर्धा भाग अधिकच रोमांचक ठरणार असून चाहत्यांची उत्सुकता शिगेला पोहोचली आहे.
हेही वाचा :
शाहिद कपूरच्या करियरमधील असा चित्रपट, जिथे हिरॉईनपेक्षाही मिळाले होते कमी पैसे!