मुंबई: फ्रान्समध्ये मोठ्या दिमाखात पार पडणाऱ्या कान फिल्म फेस्टिव्हलकडे संपूर्ण जगाचं लक्ष लागलेलं असतं. या फेस्टिव्हलमध्ये अनोख्या धाटणीचे, विविध भाषांमधले चित्रपट दाखल होतात. त्यासह तारे-तारकांच्या ग्लॅमरस अदांनी सजलेला असतो रेड कार्पेट(red carpet)… यंदा कोणकोणते भारतीय कलाकार आणि इन्फ्ल्युएन्सर्स रेड कार्पेटवर हजेरी लावणार याबाबत प्रेक्षकांना उत्सुकता असते. अभिनेत्री उर्वशी रौतेला देखील यंदा कान फिल्म फेस्टिव्हलच्या रेड कार्पेटवर अवतरली. पण आता ती एका वेगळ्याच कारणमुळं चर्चेत आली आहे.
उर्वरीनं काळ्या रंगाच्या सुंदर गाऊनमध्ये रेड कार्पेटवर एन्ट्री केली. तिने अनेक फोटो, व्हिडिओ व्हायरल झाले. पण एका फोटोत ती ओप्स मोमेटंची शिकार झाल्याचं दिसून येत आहे. उर्वशीनं घातलेला काळ्या रंगाचा गाऊनमध्ये नाजूक अशा जाळीचा वापर करण्यात आला होता. पण एका ठिकाणी जाळीची शिलाई उसवल्याचं दिसून येत आहे.तिच्याड्रेसला छोटं छिद्र पडल्याचं काही फोटोत दिसून येतंय. यावरून आता अनेकांनी तिला ट्रोल केलंय .इतक्या मोठ्या रेड कार्पेटवर(red carpet) अशा गोष्टी टाळत्या आल्या असत्या, असं नेटकऱ्यांनी म्हटलं आहे.
उर्वशी रौतेला हिच्या टीमकडून इतकी मोठी चूक झालीच कशी, असा प्रश्नही नेटकरी विचारत आहेत. तसंच अनेकज खिल्ली उडवत आहेत. काहीजण असंही म्हणत आहेत की, उर्वशी आता एक तासाचा पॉडकास्ट करेल आणि तिनं फाटलेला ड्रेस का घातला हे स्पष्ट करेल. तर अशीही चर्चा आहे की, रेड कार्पेटवर जास्त वेळ घेतल्यामुळं आयोजकांनी तिला कॅमेऱ्यासमोरून हटवलं. मात्र, उर्वशीने यावर कोणतीही प्रतिक्रिया दिलेली नाही.
उर्वशीच्या कामाबद्दल बोलायचं झाल्यास, ती लवकरच एका आंतरराष्ट्रीय प्रोजेक्टमध्ये दिसणार आहे. या चित्रपटात ती एका वेगळ्या भूमिकेत दिसणार आहे. तिच्या चाहत्यांना या चित्रपटाची उत्सुकता आहे.
या अभिनेत्रींनीही लावली हजेरीयावर्षी जॅकलिन फर्नांडिस हिनं ‘हॉट रेड’ गाऊन परिधान करून उपस्थितांचं लक्ष वेधून घेतलं. पेहरावावरून तिला नेटकऱ्यांनी ‘रेड रोझ’ हे नाव दिलं आहे. त्यासह अभिनेत्री आणि उद्योजिका पारूल गुलाटी हिनं परिधान केलेला ड्रेस यंदा चर्चेचा विषय ठरला.
खऱ्याखुऱ्या केसांच्या बारीक वेण्यांचा वापर करून बनवलेला ड्रेस तिनं परिधान केला होता. तिच्या स्टार्टअपला साजेसा तिचा ड्रेस असल्यानं तिच्या या सर्जनशील कृतीचं जगभरातून कौतुक होत आहे. ‘लापता लेडिज’ सिनेमामधील फुल कुमारी ही व्यक्तिरेखा साकारलेली अभिनेत्री नितांशी गोयल हिनंदेखील कान फिल्म फेस्टिव्हलमध्ये हजेरी लावली. एवढ्या कमी वयात तिनं मिळवलेल्या यशाचं कौतुक होत आहे.
हेही वाचा :
भरधाव वाहनाने १३ वर्षाच्या मुलाला चिरडले, संतप्त जमावाने चालकाला फोडले
विधानभवन परिसरात भीषण आग, परिसरात धुराचं साम्राज्य
बंटी पाटील-मुश्रीफ की शिंदे-फडणवीस कोण ठरणार सरस? महाडिकांची चाल अन् गोकुळमध्ये ट्विस्ट
