२८ फेब्रुवारी २०२५ रोजी बॉलिवूडमधील सिद्धार्थ मल्होत्रा आणि कियारा अडवाणी यांनी पालक होणार असल्याची आनंदाची बातमी दिली आणि आता दक्षिणेती प्रसिद्ध कपल वरुण तेज आणि लावण्या त्रिपाठी यांनीही ही आनंदाची बातमी(good news) दिली आहे. २०२३ मध्ये एका भव्य समारंभात लग्न झालेले वरुण आणि लावण्या आता त्यांच्या आयुष्याच्या एका नवीन प्रवासाला सुरुवात करत आहेत. दोघेही लवकरच पालक होणार आहेत. त्याने सोशल मीडियावर त्याच्या चाहत्यांसोबत ही आनंदाची बातमी शेअर केली आहे.
मंगळवारी, वरुण आणि लावण्या यांनी इंस्टाग्रामवर एक गोंडस फोटो पोस्ट केला ज्यामध्ये वरुण आणि लागण्या या दोघांनीही बोटांवर बाळाचे बूट घालून हात धरून फोटो काढला आहे. या चित्रासोबत त्यांनी लिहिले की, “आयुष्यातील सर्वात सुंदर भूमिका – लवकरच येत आहे.” असं लिहून या दोघांनीही आई वडील होत असल्याची घोषणा(good news) केली आहे.
या पोस्टवर चित्रपटसृष्टीतील त्यांच्या अनेक मित्रांनी त्याचे अभिनंदन केले. रकुल प्रीत सिंगने लिहिले, “अरे देवा! अभिनंदन.” अल्लू अर्जुनची पत्नी स्नेहा रेड्डी आणि अभिनेता श्रीनिवास बेलमकोंडा यांनीही या दोघांना शुभेच्छा दिल्या. आदिती राव हैदरीने त्यांना मिठी मारून त्यांच्यावर प्रेम व्यक्त केले. चाहत्यांनीही पोस्टवर खूप शुभेच्छांचा वर्षाव केला आहे.
काही काळ एकमेकांना डेट केल्यानंतर वरुण आणि लावण्या यांनी नोव्हेंबर २०२३ मध्ये लग्न केले. हे लग्न इटलीच्या टस्कनी येथे हिंदू पद्धतीने झाले. हा एक भव्य समारंभ होता ज्यामध्ये कुटुंब आणि चित्रपट उद्योगातील लोक उपस्थित होते. वरुण हा प्रसिद्ध अभिनेते चिरंजीवी आणि पवन कल्याण यांचा पुतण्या आहे. राम चरण, अल्लू अर्जुन, अल्लू सिरिश, साई तेज आणि पंजा वैष्णव तेज हे त्याचे चुलत भाऊ आहेत आणि हे सर्व लग्नाला उपस्थित होते. लग्नाचे फोटो आणि व्हिडिओ सोशल मीडियावर व्हायरल झाले.
वरुण शेवटचा ‘मटका’ चित्रपटात दिसला होता, जो एक पीरियड ॲक्शन थ्रिलर सिनेमा होता. या चित्रपटात मीनाक्षी चौधरी आणि नोरा फतेही देखील झळकत आहेत. तथापि, या चित्रपटाला प्रेक्षक आणि समीक्षकांकडून चांगले प्रतिसाद मिळाले नाहीत. कथा आणि पटकथेला मोठ्या प्रमाणात नकारात्मक प्रतिसाद मिळाला आणि चित्रपट बॉक्स ऑफिसवर फ्लॉप झाला. सध्या वरुणने त्याच्या पुढील प्रोजेक्टची घोषणा केलेली नाही.
तसेच, लावण्या पुढे एम. नागा मोहन बाबू आणि टी. राजेश यांच्या संयुक्त निर्मितीत ‘साथी लीलावती’ नावाच्या चित्रपटात दिसणार आहे. हा चित्रपट दुर्गा देवी पिक्चर्स आणि ट्रिओ स्टुडिओच्या बॅनरखाली बनवला जात आहे. या चित्रपटाशी संबंधित उर्वरित माहिती अद्याप समोर आलेली नाही.
हेही वाचा :
भाजप नेत्यानेच दिल्या पाकिस्तान जय हो च्या घोषणा; व्हिडीओ व्हायरल
गुडघ्यांवर बसून मुस्लीम अभिनेत्री शंकराच्या मंदिरात पोहोचली, VIDEO तुफान व्हायरल
नरेंद्र मोदींना पहलगाम हल्ल्याची माहिती आधीच मिळाली होती…?: खर्गेंचा खळबळजनक दावा
