सांगली : राज्यात आगामी काळात स्थानिक स्वराज्य संस्थांच्या निवडणुका(political game) पार पडणार आहेत. स्थानिक स्वराज्य संस्थांच्या निवडणुकांच्या पार्श्वभूमीवर प्रत्येक पक्षात जोरदार घडामोडी सुरु आहेत. भाजपमध्ये तर प्रचंड घडामोडी घडत आहेत. महाविकास आघाडीच्या घटक पक्षांना विधानसभा निवडणुकीत पराभवाला सामोरं जावं लागलं होतं. तो परावभव मविआच्या जिव्हारी लागला आहे. त्यामुळे आगामी स्थानिक स्वराज्य संस्थांच्या निवडणुकीत महाविकास आघाडी सत्ताधारी पक्षांना घेरण्यासाठी जंग-जंग पछाडणार आहे.
तर दुसरीकडे सत्ताधारी भाजपदेखील विरोधकांच्या ताकदीला सुरुंग लावण्याचा प्रयत्न करत आहेत. यामध्ये भाजपला(political game) काही ठिकाणी यश मिळताना दिसत आहे. भाजपने सांगलीत एका बड्या नेत्याला प्रवेश दिला आहे. हा नेता कधीकाळी भाजपचा कट्टर कार्यकर्ता होता. या नेत्याने राष्ट्रीय स्वयंसेवक संघात काम केलं आहे. पण नंतर त्यांनी राष्ट्रवादी काँग्रेस पक्षात जाण्याचा निर्णय घेतला. या बड्या नेत्याचं नाव अण्णासाहेब डांगे असं आहे.
अण्णासाहेब डांगे यांना सांगलीत माणणारा मोठा वर्ग आहे. अण्णासाहेब डांगे यांचा आज भाजपात प्रवेश झाला आहे. अण्णासाहेब डांगे यांच्यासह चिमण डांगे आणि विश्वनाथ डांगे या दोन्ही मुलांनीदेखील आज भाजपात प्रवेश केला. मुख्यमंत्री देवेंद्र फडणवीस यांच्या उपस्थितीत अण्णासाहेब डांगे आणि त्यांच्या दोन्ही मुलांचा पक्षप्रवेशाचा कार्यक्रम पार पडला. अण्णासाहेब डांगे हे धनगर समाजाचे मोठे नेते आहेत. त्यामुळे आगामी स्थानिक स्वाराज्य संस्थांच्या निवडणुकीत भाजपला सांगलीत मोठा फायदा होण्याची शक्यता आहे.
अण्णासाहेब डांगे यांनी 2002 मध्ये भाजपला सोडचिठ्ठी दिली होती. त्यांनी राष्ट्रवादी (political game)काँग्रेससोबत जाण्याचा निर्णय घेतला होता. नंतर त्यांनी स्वत:च्या पक्षाची स्थापना केली होती. यानंतर 2006 मध्ये ते पुन्हा राष्ट्रवादीसोबत गेले होते. तेव्हापासून ते राष्ट्रवादी काँग्रेस पक्षात कार्यरत होते. राष्ट्रवादी काँग्रेसचे प्रदेशाध्यक्ष जयंत पाटील यांच्या नेतृत्वाखाली अण्णासाहेब डांगे यांनी अनेक वर्ष काम केलं. पण त्यांनी आज पुन्हा भाजपात जाण्याचा निर्णय घेतला. त्यांच्या पक्षप्रवेशावेळी मुख्यमंत्री देवेंद्र फडणवीस यांनी भूमिका मांडली. यावेळी देवेंद्र फडणवीस यांनी अण्णासाहेब डांगे यांची स्तुती केली.
हेही वाचा :
