सर्वात स्वस्त मिल्ट्री ग्रेड स्मार्टफोन भारतात लाँच

Oppo K12x 5G भारतात लाँच झाला आहे. हा K-सीरीजचा पहिला डिवाइस(launched) आहे, जो भारतीय बाजारात आला आहे. या स्मार्टफोनमध्ये 45W सुपरवूक फास्ट चार्जिंगचा सपोर्ट असलेली बॅटरी मिळते. यात 50MP चा कॅमेरा देण्यात आला आहे. तसेच, डिव्हाइसमध्ये HD डिस्प्ले आणि 256GB इंटरनल स्टोरेज मिळते. याची सर्वात मोठी खासियत म्हणजे MIL-STD-810H सर्टिफिकेशन, जे या बजेटमध्ये दुसऱ्या कुठल्याही फोनमध्ये मिळत नाही. चला जाणून घेऊया ओप्पोच्या नवीन हँडसेटच्या फीचर आणि किंमतीची माहिती.

ओप्पो के12एक्स 5जी ची जाडी 7.68एमएम आणि वजन 186 ग्राम आहे. या स्मार्टफोनची(launched) बॉडी 360 डिग्री डॅमेज प्रूफ आहे. म्हणजे उंचावरून पडल्यावर देखील फोन डॅमेज होणार नाही. या स्मार्टफोनमध्ये 6.67 इंचाचा एचडी फ्लॅट डिस्प्ले आहे. याचा रिफ्रेश रेट 120Hz आहे. या हँडसेटमध्ये सिक्योरिटीसाठी फिंगरप्रिंट सेन्सर आणि फेस अनलॉकची सुविधा मिळते. तसेच, हा मोबाइल फोन अँड्रॉइड 14 वर चालतो.

शानदार फोटो क्लिक करण्यासाठी ओप्पोच्या नवीन स्मार्टफोनमध्ये LED लाइटसह ड्युअल रियर कॅमेरा सेटअप देण्यात आला आहे. यात 32MP चा प्रायमरी सेन्सर आणि 2MP ची सेकंडरी लेन्स आहे. सेल्फी व व्हिडीओ कॉलिंगसाठी मोबाइल फोनमध्ये 8MP चा कॅमेरा मिळतो. यात नाइट आणि पोट्रेट मोड सारखे कॅमेरा फीचर्स देण्यात आले आहेत.

Oppo K12x मध्ये MediaTek Dimensity 6300 प्रोसेसर आणि 5100mAh ची बॅटरी देण्यात आली आहे, जी 45W सुपरवूक फास्ट चार्जिंगला सपोर्ट करते. कनेक्टिव्हिटीसाठी मोबाइल फोनमध्ये 5G, 4G VoLte, वाय-फाय, जीपीएस, ब्लूटूथ आणि यूएसबी टाईप-सी पोर्ट देण्यात आला आहे. याला IP54 रेटिंग मिळाली आहे. याचा अर्थ असा की हा फोन पाण्याच्या शिंतोडे सहज झेलू शकतो.

ओप्पो के12एक्स 5जी दोन रॅम ऑप्शनमध्ये सादर करण्यात आला आहे. याच्या 6GB रॅम व 128GB स्टोरेज व्हेरिएंटची किंमत 12,999 रुपये आहे. याचा 8GB रॅम व 256GB स्टोरेज मॉडेल 15,999 रुपयांमध्ये विकत घेता येईल. या डिवाइसची विक्री Flipkart वर 2 ऑगस्टपासून सुरु होईल आणि हा Breeze Blue आणि Midnight Violet कलर ऑप्शनमध्ये विकत घेता येईल.

हेही वाचा :

३१ जुलै पर्यंत वाट पाहा! पाठक बाई चाहत्यांना देणार गुडन्यूज

व्हॉट्सअ‍ॅपचं नवं फीचर घालणार धुमाकूळ; स्टेटस होणार आणखी मजेशीर

मोठी बातमी! भाजप आमदाराचा राजीनामा, विधानसभा अध्यक्षांची भेट