मुंबई – पवनदीप राजन हा देशातील सर्वात लोकप्रिय रिअॅलिटी शो इंडियन आयडलचा विजेता आहे. पवनदीपने त्याच्या गाण्यांनी चाहत्यांना मंत्रमुग्ध केलं आहे. अशातच आता गायकाबद्दल एक धक्कादायक बातमी समोर आली आहे. पवनदीप राजनचा अपघात(accident) झाला असून त्याचा रुग्णालयातील फोटो सोशल मीडियावर व्हायरल होतोय.
इंडियन आयडॉल सीझन १२चा विजेता पवनदीप राजनचा सोमवारी पहाटे ३:४० मिनिटांच्या सुमारास अहमदाबादमध्ये मोठा कार अपघात|(accident) झाला आणि त्याला गंभीर दुखापत झाली. त्याला रुग्णालयात दाखल करण्यात आलं आहे.
गायकाचा रुग्णालयातील फोटो व्हायरल होत असून ज्यामध्ये डॉक्टर त्याच्यावर उपचार करत असताना त्याची प्रकृती चिंताजनक दिसत आहे. व्हिडिओमध्ये पवनदीपच्या डाव्या पायाला आणि उजव्या हाताला दुखापत झाल्याचं दिसून येत आहे. त्याचे चाहते काळजीत आहेत. मात्र, अद्याप पवनदीपच्या अपघाताबद्दल इतर अपडेट्स समोर आल्या नाहीयेत.
पवनदीप राजनला संगीताचा वारसा मिळाला आहे. त्याचे वडील सुरेश राजन आणि काका सतीश राजन यांनी त्याला लहानपणापासूनच गाण्याचं प्रशिक्षण दिलं. त्याचे आजोबा रती राजन हे देखील त्यांच्या काळातील एक प्रसिद्ध लोक गायक होते. त्याचे वडील कुमाऊँचे एक प्रसिद्ध गायक आहेत. त्याच वेळी, त्याची आजी देखील एक लोकगायिका होती.
याशिवाय त्याची बहीण ज्योतिदीप देखील एक गायिका आहे. पवनदीपने अगदी लहान वयातच तबला वाजवायला सुरुवात केली. त्याच्या वडिलांनी त्याच्या बालपणातच ही प्रतिभा ओळखली आणि आज तो पियानोपासून ढोलक, ड्रम, कीबोर्ड आणि गिटारपर्यंत अनेक वाद्ये अगदी सहज वाजवू शकतो.
दरम्यान, २०१५ मध्ये पवनदीपने ‘द व्हॉइस’ नावाच्या रिअॅलिटी शोमध्ये भाग घेतला होता. या शोमध्ये त्याने केवळ परीक्षकांची मने जिंकली नाहीत तर या शोचा विजेताही बनला. सहा वर्षांनंतर, तो देशातील प्रसिद्ध रिअॅलिटी शो ‘इंडियन आयडल’ मध्येही दिसला. या शोमध्येही त्याने आपला ठसा उमटवला आणि सर्वांना मागे टाकत पहिलं स्थान मिळवलं.
हेही वाचा :
पुढचे 24 तास वादळी पाऊस, ऊन-वाऱ्याचे…
महाराष्ट्रात सरकारी नोकरीची सुवर्णसंधी! पगार दीड लाखांच्या पुढे मिळणार
अजित पवारांना शरद पवार राजकीयदृष्ट्या कधीच…. संजय राऊतांचं खळबळजनक राजकीय विधान
