दौंड तालुक्यातील दहिटणे या गावामध्ये एक भीषण घटना घडली आहे. येथे एका १० महिन्याच्या बाळाला बिबट्याने(Leopard) उचलून नेलं आहे. अनेक तासांच्या शोधमोहिमेनंतरही वनविभागाला या बाळाला शोधण्यात यश आलेलं नाही. तर, आपलं बाळ आपल्याच डोळ्यांसमोरुन बिबट्याने नेल्याने आई-वडिलांच्या डोळ्यातील पाणी थांबत नाहीये.
दहिटणे येथे एका मेंढपाळाच्या दहा महिन्यांचा मुलगा आण्विक भिसे (वय १० महिने) याला अंथरुणातून सकाळी ९.३० वाजण्याच्या सुमारास बिबट्याने(Leopard) उचलून नेलं असल्याची धक्कादायक घटना घडली आहे. बिबट्याने या बाळाला उसाच्या शेतात नेलं. धुळाजी भिसे असं या बाळाच्या वडिलांचं नाव आहे. गेल्या दोन दिवसांपूर्वी हे मेंढपाळ कुटुंब या परिसरात आपल्या बकऱ्या घेऊन चारण्यासाठी आले होते, अशी माहिती आहे.
याबाबत मिळालेली अधिक माहिती अशी की, रामभाऊ गायकवाड यांच्या उसाच्या शेतात धुळाजी भिसे हे मेंढ्या चरायला आहेत. बाळाला झोपवल्यानंतर त्याची आई अक्षय्य तृतीयेचा स्वयंपाक करण्यासाठी शेजारील पालावर गेली होती. तेवढ्यात या मेंढपाळाच्या दहा महिन्याच्या मुलाला बिबट्याने उचलून नेलं.
सकाळी साडे नऊ वाजताच्या सुमारास ही घटना घडली. आपल्या बाळाला बिबट्याने उचलून नेल्याचं दिसताच त्या बाळाच्या आईने जोर जोरात आरडाओरडा केला. मात्र, त्याचा काहीही उपयोग झाला नाही आणि या बाळाला घेऊन बिबट्याने उसाच्या शेतात धूम ठोकली.
ही धक्कादायक घटना परिसरात वाऱ्यासारखी पसरली व ग्रामस्थांनी याची माहिती वन विभागातील कर्मचाऱ्यांना कळवली व वनविभागाचे कर्मचारी व यवत पोलीस कर्मचारी घटनास्थळी पोहोचले. सकाळपासून वनविभाग आणि पोलीस संयुक्तपणे बिबट्याचा शोध घेत असून आत्तापर्यंत आलेल्या वृत्ताप्रमाणे बिबट्याचा व बाळाचा शोध लागलेला नाही.
सकाळच्या दिनचर्येप्रमाणे हे मेंढपाळ बांधव आपली काम करत होते, यावेळी हे लहान बाळ अंथरुणामध्ये झोपले होते, यावेळीच दबा धरून असलेल्या बिबट्याने डाव साधला आणि ही भयंकर घटना घडली आहे.
हेही वाचा :
खासगी नोकरी करणाऱ्यांसाठी दिलासादायक बातमी!
मोठा घोटाळा ! कोल्हापूर जिल्हा बँकेत 3.21 कोटींचा अपहार
तरुणीला ट्रकने चिरडले, ओव्हरटेक करण्याच्या नादात गेला जीव! अंगावर काटा आणणारा व्हिडीओ
