नागपूर : माझी पत्नी(wife) एका आक्षेपार्ह साइटवरील व्हिडीओमध्ये दुसऱ्या व्यक्तीसोबत अश्लील कृत्ये करीत आहे’, अशी याचिका दाखल करीत पतीने थेट उच्च न्यायालयाचे दार ठोठावले. मात्र, पतीच्या आरोपाला सबळ पुराव्याचे बळ नसल्याने उच्च न्यायालयाने हा दावा फेटाळून लावला आहे.
पतीने या प्रकरणी अब्रूनुकसानी अंतर्गत तक्रार दाखल केली होती. त्याच्या तक्रारीनुसार, पत्नीने(wife) घरात अश्लील भाषा वापरून त्यांची मानहानी केली. मात्र, त्याचे पुरावे तो सादर करू शकला नाही.
‘एका अनोळखी व्यक्तीने मला माहिती दिली की, एका पॉ*र्न साइटवरील व्हिडीओत माझी पत्नी एका पुरुषासोबत अश्लील कृत्य करताना दिसते आहे’, असा आरोप पतीने याचिकेत केला. आपण हा व्हिडीओ बघितला असून यातील महिला आपली पत्नीच असल्याचाही दावा त्याने केला. यासाठी पतीने आयटी कायद्याच्या ६६अ, ६७अ व ६७ब या कलमांचा आधार घेतला.
पतीच्या याचिकेवर न्या. एम. डब्ल्यू. चांदवानी यांच्यासमक्ष सुनावणी झाली. न्यायालयाने आपल्या निर्णयात नमूद केले की, ‘तक्रारीत आरोपी पत्नीने व्हिडीओ स्वतः अपलोड केल्याचा आरोप नाही किंवा तसे सिद्धही होत नाही. त्यामुळे आयटी कायद्याच्या अंतर्गत हे सिद्ध होत नाही की, तिने काही अनैतिक बाबी प्रसारित केल्या. ही तक्रार केवळ संशय आणि भावनांवर आधारित आहे. कायदेशीर कारवाईसाठी ठोस पुरावे आवश्यक असून याप्रकरणी ते सादर झाले नाहीत.’
दुसरीकडे, ‘माझी पत्नी बेपत्ता असून तिच्या माहेरच्यांनीच तिला पळवून नेले आहे, प्रशासनाने तिला शोधून द्यावे’, अशी आर्त विनंती जिल्ह्यातील खापा गावातील एका २६ वर्षीय तरुणाने उच्च न्यायालयाच्या नागपूर खंडपीठापुढे केली आहे. विवाहाच्या दुसऱ्याच दिवशी पत्नीला वडिलांनी हृदयविकाराच्या बहाण्याने बोलावून नेले आणि तेव्हापासून ती बेपत्ता असल्याचा आरोप त्याने याचिकेत केला आहे.
याचिकाकर्त्याने ॲड. ए. ई. निमगडे यांच्यामार्फत ही याचिका दाखल केली आहे. या याचिकेनुसार, ‘२५ एप्रिल २०२४ रोजी या युवकाचा विवाह झाला. त्यानंतर केवळ एकच दिवस पत्नी त्याच्या घरी राहिली. त्यानंतर तिच्या नातलगांनी त्यांना वेगळे केले.’
पत्नीचा मानसिक व शारीरिक छळ होत असल्याचा दावाही या तरुणाने केला आहे. पत्नीने गुप्त भेटीदरम्यान ‘वडिलांच्या आजाराचे कारण खोटे होते’, असे सांगितले होते. तसेच पत्नीच्या कुटुंबाला राजकीय आणि आर्थिक पाठबळ आहे, असा आरोप या तरुणाने केला आहे. खापा पोलिस ठाण्यात तक्रार देताना पोलिसांनी माझ्यावरच दबाव आणून पत्नीशी संपर्क साधण्यास मनाई केली. याप्रकरणी सावनेर पोलिस उपविभागीय अधिकाऱ्यांकडे तक्रार दिल्यानंतरही ठोस कारवाई झालेली नाही, असे या युवकाने दाखल केलेल्या याचिकेत म्हटले आहे.
‘माझी पत्नी शोधून द्या’, अशी मागणी युवकाने याचिकेत केली आहे. सासरच्यांच्या दडपशाहीमुळे तिला जबरदस्तीने दुसऱ्या लग्नात ढकलले जाण्याची भीती आहे, अशी भीतीही त्याने याचिकेतून व्यक्त केली आहे. न्या. नितीन सांबरे आणि न्या. वृषाली जोशी यांच्या खंडपीठाने सासरच्या मंडळींना नोटीस बजावून २९ एप्रिलपर्यंत उत्तर देण्याचे आदेश दिले आहेत.
हेही वाचा :
कोल्हापूर-नागपूर विमानसेवेला 15 मे पासून सुरूवात
आमिर खान एक्स-बायकोच्या घरी पोहचला गर्लफ्रेंडसोबत!
‘कपडे काढून तू, इनरवेअरमध्ये माझ्या समोर…’; प्रसिद्ध अभिनेत्रीचा खळबळजनक खुलासा
