सोशल मीडियावर सध्या एक धक्कादायक व्हिडिओ वेगाने व्हायरल होत आहे. यातील दृश्ये तुमच्या पायाखालची जमीन सरकवू शकतात. वास्तविक यात एका व्यक्तीची अंत्ययात्रा(Funeral procession) निघत होती मात्र या अंत्ययात्रेत अचानक काही मधमाशा हल्ला करतात आणि पुढच्याच क्षणी लोक पार्थिवाला जमिनीवर टाकत पळ काढतात. ही घटना जोधपूर ग्रामीणमधील खिंडाखोर येथील देवराज नगरमध्ये घडली आहे. याचा व्हिडिओ सोशल मीडियावर शेअर करण्यात आला असून आता हा व्हिडिओ वेगाने व्हायरल होत आहे.
वास्तविक झालं असं की, मडक्यातून निघणाऱ्या धुरामुळे मधमाश्या उडून गेल्या आणि त्यांनी अंत्ययात्रेत जाणाऱ्या लोकांवर हल्ला केला, ज्यामुळे काही काळ सर्वत्र भीतीचे वातावरण पसरले. गावकरी एका तरुणाचे अंतिम संस्कार करणार होते. मधमाश्यांच्या हल्ल्यामुळे होणाऱ्या गोंधळापासून वाचण्यासाठी लोकांनी मच्छरदाण्या आणि पॉलिथिनच्या मदतीने स्वतःचे संरक्षण केले. लोक पॉलिथिनने शरीर झाकून इकडे तिकडे धावतानाही दिसले. दोन तासांनी परिस्थिती सामान्य झाल्यानंतर, तरुणावर अंत्यसंस्कार करण्यात आले; मंगळवारी त्या तरुणाचा मृत्यू झाला होता.
खिंडाखोर देवराज नगर येथील रहिवासी देवी सिंह शेळ्या चरायचे आणि शेती करायचे. उष्णतेमुळे देवी सिंह यांची प्रकृती बिघडली आणि त्यांना रुग्णालयात नेण्यात आले जिथे त्यांना डॉक्टरांनी मृत घोषित केले. स्थानिक लोकांनी सांगितले की, जेव्हा अंत्ययात्रा(Funeral procession) स्मशानभूमीत पोहोचली तेव्हा मडक्यातून निघणाऱ्या धुरामुळे मधमाश्या संतापल्या आणि त्यांनी अंत्ययात्रेत सहभागी असलेल्या अनेक लोकांवर हल्ला केला. यामुळे सर्व लोक इकडे तिकडे धावू लागले.
मधमाश्यांच्या हल्ल्यापासून वाचण्यासाठी लोक जवळच्या रामदेव मंदिरात गेले. तिथे उपस्थित असलेल्या नर्सिंग स्टाफने त्यांना मच्छरदाण्या दिल्या. त्याच वेळी, काही लोकांनी पॉलिथिनने आपले शरीर झाकून स्वतःचे संरक्षण केले. शेवटी, दोन तासांनंतर, जेव्हा मधमाश्या शांत झाल्या, तेव्हा गावकऱ्यांनी मृतदेहावर अंत्यसंस्कार केले. गावकऱ्यांनी सांगितले की, मंगळवारी अति उष्णतेमुळे देवी सिंह यांचे निधन झाले. ही घटना फारच अजब असून याचा व्हिडिओ @purvanchal51 नावाच्या इंस्टाग्राम अकाऊंटवरून शेअर करण्यात आला आहे.
हेही वाचा :
कोल्हापूर :मेंढपाळाचा मुलगा झाला IPS अधिकारी
भारताचा कायदेशीर स्ट्राइक! एका मोठ्या कारवाईची सुरुवात
उष्णतेची लाट आणि गारपिटीचा धोका राज्यातील 15 जिल्ह्यांना IMD कडून अलर्ट
