मुंबई: साऊथ सिनेइंडस्ट्रीतून(film industry) मोठी बातमी समोर येत आहे. तेलंगणातील 29 सिनेकलाकार, यूट्यूबर आणि इंस्टाग्राम इन्फ्लुएंसर यांच्या विरोधात बेकायदेशीर सट्टेबाजी ॲप्सला प्रोत्साहन दिल्याबद्दल ईडीने गुन्हा दाखल केला आहे. सायबराबाद पोलिसांनी दाखल केलेल्या एफआयआरच्या आधारावर ही कारवाई करण्यात आली आहे. या प्रकरणात विजय देवरकोंडा, राणा दग्गुबाती , मंचू लक्ष्मी, प्रकाश राज , निधी अग्रवाल, अनन्या नागल्ला, प्रणीता सुभाष, अँकर श्रीमुखी, श्यामला, यूट्यूबर हर्षा साई, बय्या सनी यादव आणि लोकल बॉय नानी यांच्या नावांचा समावेश आहे. हे ॲप्स सामान्य लोकांना आर्थिक अडचणीत आणत असल्याच्या तक्रारीनंतर ईडीने मनी लॉन्ड्रिंग कायद्यांतर्गत तपास सुरू केला आहे.
मिळालेल्या माहितीनुसार, मियापूरमधील 32 वर्षीय व्यावसायिक फनिंद्र शर्मा यांनी तक्रार दाखल केली होती.त्यांच्या तक्रारीनुसार, अनेक तरुण आणि सामान्य लोक या सट्टेबाजी ॲप्समध्ये पैसे गुंतवत आहेत, ज्यांचे प्रमोशन प्रसिद्ध चित्रपटातील सेलिब्रिटी (film industry)करत आहेत.
या ॲप्समुळे मध्यमवर्गीय आणि निम्न-मध्यमवर्गीय कुटुंबे आर्थिक संकटात सापडत आहेत, असं तक्रारीत नमूद केलं आहे. सायबराबाद पोलिसांनी 19 मार्च 2025 रोजी 25 सेलिब्रिटींविरुद्ध तेलंगणा गेमिंग ॲक्ट आणि माहिती तंत्रज्ञान कायद्याच्या कलमांनुसार एफआयआर दाखल केला.ईडीनं आता या प्रकरणी मनी लॉन्ड्रिंग प्रतिबंधक कायद्यांतर्गत (पीएमएलए) तपास सुरू केला आहे.
या तपासामध्ये, ह्या कलाकारांना जाहिरातीसाठी मिळालेले पैसे, त्यांचे आर्थिक व्यवहार तपासले जाणार आहेत.पोलिसांनी दिलेल्या माहितीनुसार, या ॲप्समध्ये हजारो कोटी रुपयांचे व्यवहार झाले आहेत. हे ॲप्स तरुणांना सोप्या कमाईचं आमिष दाखवून त्यांचं आर्थिक आणि मानसिक नुकसान करत आहेत.
विजय देवरकोंडाच्या टीमनं दिलं स्पष्टीकरण
त्यांनी सांगितलं की, त्यांनी फक्त कौशल्य-आधारित गेमिंग प्लॅटफॉर्म A23 चं प्रमोशन केलं होते, जे 2023 मध्येच संपलं आहे.
प्रकाश राज यांनीही दिली प्रतिक्रिया
“मी 2016 मध्ये एका ॲपचं प्रमोशन केलं होतं, पण नंतर ते चुकीचं आहे असं लक्षात आल्यावर मी त्यातून माघार घेतली,” असं प्रकाश राज म्हणाले.
तर राणा दग्गुबातीनं सांगितलं की, त्यानं जाहिरात करताना कायद्याचं पालन केलं होतं.या प्रकरणांमुळं तेलगू चित्रपटसृष्टीत खळबळ उडाली आहे.ईडीच्या तपासामुळं या कलाकारांवर मोठा दंड आणि कायदेशीर कारवाई होण्याची शक्यता आहे.
हेही वाचा :
- गुरुपौर्णिमेनिमित्त अक्कलकोटमध्ये उसळला भक्तांचा महासागर
- लाॅर्ड्स कसोटीसाठी भारताचा संघ सज्ज! जसप्रीत बुमराहचे होणार पुनरागमन
- गुरुपौर्णिमेनिमित्त ‘जय जय स्वामी समर्थ’ मालिकेत स्वामी लीला उलगडणार ‘नामस्मरणाचं’ महात्म्य
