बॉलीवूड सुपरस्टार अमिताभ बच्चन यांच्या आवाजातील कॉलर*(voice caller) ट्यून अखेर बंद करण्यात आली आहे. आतापासून तुम्ही कॉल केलात तर तुम्हाला महिला आणि पुरुषांची कॉलर ट्यून ऐकू येणार नाही. सरकारने हा निर्णय घेतला आहे. यामागील कारण म्हणजे ज्या मोहिमेअंतर्गत सायबर गुन्ह्यांबाबत अलर्ट कॉलर ट्यून ऐकू येत होती, ती मोहीम आता गुरुवार २६ जून रोजी अधिकृतपणे संपली आहे.
ज्या मोहिमेअंतर्गत अमिताभ बच्चन देशातील नागरिकांना कॉलर(voice caller) ट्यूनद्वारे सायबर गुन्ह्यांपासून दूर राहण्याचा इशारा देत होते, ती मोहीम आता संपली आहे. त्यामुळे, भारत सरकारने कॉलर ट्यून पूर्णपणे बंद करण्याचा निर्णय घेतला आहे. म्हणजेच, आतापासून तुम्ही जिथेही कॉल कराल तिथे तुम्हाला अमिताभ बच्चन यांच्या आवाजातील अलर्ट कॉलर ट्यून ऐकू येणार नाही.
याआधी अनेक वापरकर्त्यांनी या सायबर अलर्ट कॉलर ट्यूनवर नाराजी व्यक्त केली होती. इतकेच नाही तर काही वापरकर्त्यांनी नंतर सोशल मीडियाद्वारे अमिताभ बच्चन यांच्याकडे तक्रार करण्यास सुरुवात केली होती. एवढेच नाही तर त्यांनी त्यांना ट्रोल देखील करण्यास सुरुवात केली होती. लोक म्हणतात की आपत्कालीन परिस्थितीत कॉलर ट्यूनमुळे कॉल कनेक्ट होण्यास बराच वेळ लागतो.
एका वापरकर्त्याने अमिताभ बच्चन यांना कॉलर ट्यून(voice caller) बंद करण्यास सांगितले होते. यावर बिग बी यांनी उत्तर दिले, ‘हो सर, मी देखील एक चाहता आहे. तर??’ यावर वापरकर्त्याने उत्तर दिले की मग फोनवर बोलणे थांबवा. वापरकर्त्याच्या या कमेंटवर अमिताभ बच्चन यांनी उत्तर दिले, ‘सरकारला सांगा भाऊ, त्यांनी आम्हाला जे करायला सांगितले ते केले.’ अशा प्रकारे त्यांनी ट्रोलर्सचे तोंड बंद केले.
हेही वाचा :
