उन्हाळा सुरू होताच केस गळतीची (roots) समस्या अनेकांना त्रास देऊ लागते. वाढलेले तापमान, घाम, धूळ आणि टाळूतील कोरडेपणा यामुळे केस कमकुवत होतात आणि गळती वाढते. अशा वेळी योग्य हेअर ऑइलचा वापर केल्यास केसांना आवश्यक पोषण मिळून मुळं मजबूत होण्यास मदत होते.तज्ज्ञांच्या मते, खोबरेल तेल, बदाम तेल आणि आवळा तेल यांचा नियमित वापर केल्यास केसांना नैसर्गिक बळ मिळते.
खोबरेल तेल टाळूला थंडावा देतं(roots) आणि केसांना मॉइश्चर देतं, तर बदाम तेलात असलेले व्हिटॅमिन ई केसांना पोषण देतात. आवळा तेल केसांच्या वाढीस चालना देतं आणि गळती कमी करण्यात मदत करतं.याशिवाय कांद्याच्या तेलाचा वापर देखील फायदेशीर मानला जातो. कांद्यामधील सल्फर केसांच्या मुळांना बळकटी देतो आणि नवीन केस वाढण्यास मदत करतो. आठवड्यातून किमान दोन वेळा हलक्या हाताने तेलाने मसाज केल्यास रक्ताभिसरण सुधारते आणि केस अधिक मजबूत होतात.
उन्हाळ्यात केसांची योग्य काळजी (roots) घेण्यासाठी जास्त केमिकलयुक्त प्रॉडक्ट्सचा वापर टाळणे, पुरेसं पाणी पिणे आणि संतुलित आहार घेणे देखील तितकंच महत्त्वाचं आहे. योग्य हेअर ऑइल आणि नियमित निगा राखल्यास केस गळतीवर नियंत्रण मिळवता येऊ शकतं.