दिल्ली विधानसभा निवडणुकीत ‘आप’चा प्लॅन ठरला?; विद्यमान आमदारांनाच देणार डच्चू अन् इतर…

नवी दिल्ली : राजस्थान, झारखंड, महाराष्ट्रानंतर आता राजधानी दिल्लीत विधानसभा(Assembly) निवडणूक घेतली जाणार आहे. या विधानसभा निवडणुकीत आम आदमी पक्षाचे अनेक बडे चेहरे निवडणुकीच्या मैदानाबाहेर राहणार आहेत. त्याचबरोबर अनेक विद्यमान आमदारांना तिकीट मिळण्याची आणि काहींची जागा बदलण्याची शक्यता आहे. त्यानुसार, आपचा प्लॅनही ठरला असल्याचे सांगण्यात आले आहे.

दिल्ली विधानसभा(Assembly) निवडणुकीत केवळ पक्षाच्या नावावर निवडणूक लढवू इच्छिणाऱ्या उमेदवाराला धोरणात्मकदृष्ट्या संधी दिली जाणार नसल्याचे पक्षातील सूत्रांचे म्हणणे आहे. उमेदवार निश्चित करताना, विशिष्ट क्षेत्रातील उमेदवारांच्या ओळखीसह, त्यांच्या विजयाची शक्यता देखील तपासली जाईल.

इतर पक्षांतून ‘आप’मध्ये सहभागी होणाऱ्या नेत्यांमध्ये कोणताही भेदभाव केला जाणार नाही. पक्षाने जाहीर केलेल्या पहिल्या यादीत काँग्रेस किंवा भाजपमधून ‘आप’मध्ये सहभागी झालेल्या अनेक उमेदवारांची नावे आहेत. या निवडणुकीसाठी पक्ष मोठ्या प्रमाणावर काम करत आहे.

दरम्यान, आम आदमी पक्षाकडून 25 डिसेंबरपूर्वी बहुतांश जागांसाठी उमेदवारांची नावे निश्चित करण्याचा पक्षाचा प्रयत्न आहे. अशा स्थितीत येत्या काही दिवसांत आणखी 10-12 उमेदवारांची नावे जाहीर होण्याची शक्यता आहे. या नावांमध्ये पूर्वी काँग्रेस किंवा भाजपमधून ‘आप’मध्ये प्रवेश केलेले उमेदवार असण्याची शक्यता आहे.

सध्याच्या सर्वेक्षणात पक्षात 2013 आणि 2020 सारखे वातावरण दिसत नाही. आमदारांच्या कामगिरीच्या आधारे काही जागा कमकुवत दिसत आहेत. काही जागांवर विद्यमान आमदारांविरोधातही लोकांमध्ये नाराजी आहे. उमेदवार बदलून या जागांवर वातावरण सुधारण्याचे प्रयत्न सुरू आहेत. अशा स्थितीत येत्या काही दिवसांत अनेक आमदारांच्या जागी अन्य नेत्यांना निवडणूक लढवण्याची संधी मिळण्याची शक्यता आहे.

सर्व जागांसाठी एकामागून एक उमेदवार निवडीची प्रक्रिया सुरू आहे. सध्या 20 टक्के जुन्या चेहऱ्यांना पुन्हा तिकीट मिळण्याचे आश्वासन मिळाले आहे. यापैकी अनेक उमेदवार आहेत ज्यांच्या जागा बदलल्या जाऊ शकतात.

देशभरात प्रतिकूल वातावरण असतानाही निकाल त्यांच्या बाजूने लागला. अशा परिस्थितीत ‘आप’लाही हाच फॉर्म्युला स्वीकारून बहुतांश जागांवर नव्या उमेदवारांना संधी द्यायची आहे. याचा दुहेरी फायदा पक्षाला होणार आहे. पक्षासाठी दीर्घकाळ काम करणाऱ्या कार्यकर्त्यांनाही निवडणूक लढवण्याची संधी मिळणार आहे. त्याचबरोबर उमेदवाराबाबतची अँटी इन्कम्बन्सीही संपुष्टात येईल.

हेही वाचा :

सर्वसामान्यांच्या खिशाला कात्री, सोन्या – चांदीच्या दरात पुन्हा वाढ

मोठी बातमी ! मुख्यमंत्री लाडली बहना योजनेला लागणार ‘ब्रेक’

आज दुर्धरा योगासह बनले अनेक शुभ योग; 5 राशींना लाभणार लक्ष्मीची कृपा