संतोष देशमुखांच्या कुटुंबाला शरद पवारांनी दिलं मोठं आश्वासन!

राष्ट्रवादी शरद पवार गटाचे प्रमुख ज्येष्ठ नेते शरद पवार(political news todays) यांनी आज (21 डिसेंबर) मस्साजोग गावी सरपंच संतोष देशमुख यांच्या कुटुंबाची भेट घेतली. यावेळी त्यांनी गावकऱ्यांशी देखील संवाद साधला. ‘तुम्ही एकटे नाही, तुमच्या दुःखात आम्ही सगळे जण आहोत’, असं यावेळी पवार म्हणाले. यावेळी खासदार निलेश लंके , आमदार संदीप क्षीरसागर देखील उपस्थित होते.

संतोष देशमुख(political news todays) यांच्या कन्या वैभवी देखमुख यांच्या शिक्षणाचा खर्च शरद पवार करणार आहेत. कुटुंबाला आर्थिक मदतीचे आश्वासन त्यांनी दिले आहे. शरद पवार यांनी स्वतः कुटुंबाची भेट घेत सर्व अडचणी जाणून घेतल्या. संतोष देशमुख यांच्या कुटुंबाची जबाबदारी शरद पवार यांनी स्वीकारली. यावेळी वैभवी देखमुख यांनी सर्व आरोपींना लवकरात लवकर अटक व्हावी, अशी मागणी केली.

आमदार क्षीरसागर यांनी देखील यावेळी महत्वाची प्रतिक्रिया दिली. वाल्मीक कराडचे नाव घेत त्यांना अटक व्हावी, असं म्हटलं. वाल्मीक कराडनेच जिल्ह्याची वाट लावली, असा संताप यावेळी त्यांनी व्यक्त केला. संतोष देशमुख यांच्या कुटुंबियांनी फास्ट ट्रॅक कोर्टात प्रकरण चालवण्याची मागणी पवारांकडे केली. तर, पोलिसांनी आम्हाला मृतदेह कुठे मिळाला, त्याबाबत खोटं सांगितलं. माझ्या भावाला न्याय मिळायला हवा, जो कोणी या हत्येमागे सूत्रधार आहे, त्यालाही अशीच शिक्षा झाली पाहिजे, असं संतोष देशमुख यांच्या बहिणीने शरद पवारांपुढे बोलून दाखवलं.

“जे घडले आहे त्याने सर्वसामान्य लोकांना धक्का बसलाय. महाराष्ट्राच्या साखर उद्योगाला हातभार लावणार लोक इथे आहेत. अशा जिल्ह्यात जे घडले ते कुणाला ही न पटणारे आहे. सरपंचाची हत्या झाली. जे घडले ज्यात काहीच संबंध नसताना यांची हत्या झाली. हे चित्र अतिषय गंभीर आहे. याची नोंद राज्य आणि केंद्र सरकारने घ्यावी.”, असं शरद पवार म्हणाले.

बीडमधील मस्साजोग गावचे सरपंच संतोष देशमुख यांचे 9 डिसेंबररोजी अपहरण करण्यात आले, यानंतर त्यांची हत्या करण्यात आली. सरपंच हत्येनंतर केज आणि मस्साजोग या ठिकाणी गावकऱ्यांकडून मोठं आंदोलन उभारण्यात आलं. हा मुद्दा आता राजकारणात देखील पेटला आहे. विरोधी गटाकडून या प्रकरणी महायुती सरकारवर हल्लाबोल केला जातोय. अशात आज शरद पवार बीड दौऱ्यावर येणार आहेत.

हेही वाचा :

तब्बल 12 वर्षानंतर चंद्र आणि गुरुची युती; 4 राशींचं नशीब हिऱ्यासारखं चमकणार

नवीन वर्षासाठी व्हॉट्सॲप घेऊन आलाय खास फीचर्स, कॉलिंग होणार आणखी मजेदार

सोहेल खानच्या Birthday पार्टीत शूरानं नाही तर बॉबी देओलच्या पत्नीनं वेधलं सगळ्यांचं लक्ष