‘आय लव्ह यू’ असा मेल केला, रिप्लाय न मिळाल्यावर शिवाली परबनं सांगितले जबरी चाहत्यांचे किस्से
‘महाराष्ट्राची हास्यजत्रा’ फेम अभिनेत्री (Shivali Parab)शिवाली परब हिनं ‘मुंबई टाइम्स कार्निव्हल’च्या माध्यमातून वाशी येथील कर्मवीर भाऊराव पाटील कॉलेजला भेट दिली. यावेळी तिनं मनोरंजनविश्व, कलेची आवड, कॉलेजच्या आठवणी, करिअरच्या सुरुवातीच्या काळातला संघर्ष अशा अनेक विषयांवर गप्पा मारल्या.
या मुलाखतीत (Shivali Parab)शिवालीनं सांगितलेला एक किस्सा सध्या चर्चेत आहे. एक चाहता तिला थेट मेल करायचा. शिवालीनं प्रतिसाद दिला नाही म्हणून त्यानं तिला ‘आय हेट यू’ असा मेल केला होता.
हल्ली सोशल मीडियामुळें जग जवळ आलंय, असं म्हणतात. याच माध्यमांच्या मदतीनं आवडत्या कलाकारांप्रती असलेल्या प्रेमाची कबुलीसुद्धी दिली जाते. याचे किस्से शेअर करताना शिवाली म्हणाली, ‘कामानिमित्त कुणाला माझ्याशी संपर्क साधायचा असेल म्हणून मी इन्स्टाग्रामवर माझा ई-मेल आयडी दिला आहे.
त्या ई-मेल आयडीवर एक मुलगा तीन महिने सातत्यानं ‘आय लव्ह यू’ असा मेल करायचा. अर्थात, त्याला मी काही प्रतिसाद दिला नाही. म्हणून दीड महिना सातत्यानं तो मला ‘आय हेट यू’ असा मेल करत होता. इन्स्टाग्रामवर आणखी एक मुलगा आहे.
तो मला त्याची दिनचर्या पाठवत असतो. ‘हॅलो शिवाली, मी उठलोय. आता मी निघालोय. मी आज वडापाव खाल्ला. तूसुद्धा जेवली असशील ? आता मी झोपतोय, तूसुद्धा झोप’, असं सगळं शेअर करत असतो’.
‘मी कॉलेजलाइफमध्ये वर्गाबाहेरच जास्त असायचे. कधी एखाद्या वर्गाच्या दाराला बाहेरून कडीच लाव तर कधी एखाद्या ग्रुपची खोडीच काढ, अशी खूप मस्ती करायचे. यामुळेच शिक्षा म्हणून मला वर्गाच्या बाहेर ठेवलं जायचं.
एकदा शिक्षा म्हणून मला कॉलेजच्या कार्यक्रमात कला सादर करायला सांगितली. तेव्हा मी ‘ती फुलराणी’चा एक भाग सादर केला होता. तो पाहून उपस्थित प्रेक्षकांनी माझं खूप कौतुक केलं होतं. त्या प्रसंगामुळे मला पुढे जाऊन काय करायचंय याचा मार्ग सापडला होता’, असं शिवालीनं आपल्या अनुभवातून सांगितलं.
हेही वाचा :
पतीने पत्नीला गळा दाबून मारले, हत्येच्या नंतर टोलनाक्यांवर चकवा; खुनी पती जेरबंद
‘देवा’च्या गाण्याचा टीझर पाहून चाहत्यांची प्रतिक्रिया: शाहिद कपूरचा ‘भसड मचा’ लूक
अक्षय कुमारच्या उपस्थितीत पोकोने लाँच केली एक्स७ सीरिजची दोन धमाकेदार मोबाईल
