मुलीवर जबरदस्तीने अत्याचार, गरोदर राहताच केलं अमानुष कृत्य

उल्हासनगरमध्ये एक धक्कादायक आणि संतापजनक घटना उघडकीस आली आहे, जिथे एका अल्पवयीन मुलीवर अत्याचार करून तिचा सात महिन्यांचा गर्भपात करण्यात आला. पुण्याच्या स्वारगेट बस स्थानकातील अत्याचाराची घटना ताजी असतानाच, ही घटना घडल्याने परिसरात खळबळ उडाली आहे. या घटनेने पुन्हा एकदा महिला सुरक्षेचा प्रश्न ऐरणीवर आला आहे.पीडित मुलगी आरोपीच्या शेजारी राहत होती. आरोपीने तिच्यावर वारंवार जबरदस्तीने अत्याचार केले, ज्यामुळे ती सात महिन्यांची गर्भवती झाली. हे लपवण्यासाठी आरोपीने, त्याच्या सासूने आणि इतर नातेवाईकांनी मिळून तिला गर्भपाताच्या गोळ्या दिल्या.

गर्भपात झाल्यानंतर, हे कृत्य उघडकीस येऊ नये म्हणून आरोपीने सात महिन्यांचा मृत गर्भ जमिनीत पुरला. पोलिसांनी हा पुरलेला गर्भ बाहेर काढून डीएनए तपासणीसाठी नमुना घेतला आहे. उल्हासनगर मध्यवर्ती पोलिसांनी या प्रकरणी गुन्हा दाखल करून आरोपीला अटक केली आहे. आरोपीच्या सासूला आणि अन्य नातेवाईकांना देखील या गुन्ह्यात सहभागी असल्याबद्दल त्यांच्यावर कारवाई करण्यात आली आहे.

या अल्पवयीन मुलीवर शासकीय रुग्णालयात उपचार सुरू असताना पोलिसांना या घटनेची माहिती मिळाली. पोलिसांनी तातडीने रुग्णालयात जाऊन पीडित मुलीचा जबाब नोंदवला. जबाबातून समोर आलेल्या माहितीच्या आधारे पोलिसांनी घटनास्थळी जाऊन पुरलेला गर्भ बाहेर काढला.या प्रकरणी, पोलिसांनीआरोपीला अटक केली आहे आणि त्याची सासू तसेच इतर नातेवाईकांविरुद्ध गुन्हा दाखल केला आहे. या घटनेचा पुढील तपास सुरू आहे. डीएनए अहवालानंतर या प्रकरणातील अधिक सत्य समोर येईल.

पुण्याच्या स्वारगेट बस डेपोमध्ये शिवशाही बसमध्ये २६ वर्षीय महिलेवर झालेल्या अत्याचाराच्या घटनेतील आरोपी दत्ता गाडे याला १२ मार्चपर्यंत पोलीस कोठडी सुनावण्यात आली आहे. आरोपीला अटक करून न्यायालयात हजर करण्यात आले होते.

हेही वाचा :

30 वर्षांनी सोनाली आणि राज ठाकरे दिसले एकत्र

इचलकरंजी पत्नीचा मृत्यू, अन् पतीने घेतली कृष्णा नदीत पुलावरून उडी

तुमच्या मुलीला लग्नात चुकूनही ‘या’ भेटवस्तू देऊ नये, अन्यथा..