अबब! कारच्या खिडकीला लटकून कार चालवत होता video
सोशल मीडियावर कधी काय व्हायरल होईल सांगता(car) येत नाही. बऱ्याचदा काही सत्य घटना ही सोशल मीडियावर व्हायरल होतात. सध्या असाच एक व्हिडीओ व्हायरल होत आहे. दारूच्या नशेत कोणी काय करेल ते सांगता येत नाही. दारू पिऊन वाहन चालवणे हा दंडनीय गुन्हा आहे. हे अनेकांना माहित असून देखील लोक तसेच करतात. अनेकजण या इशाऱ्याकडे दुर्लक्ष करतात.
सध्या सोशल मीडियावर मद्यधुंद(car) ड्रायव्हरचा एक व्हिडिओ व्हायरल होत आहे. कार चालक मद्यधुंद अवस्थेत गाडी कारच्या खिडकीला लटकून चालवताना दिसत आहे. कार चालकाचे हे कृत्य इतके भयावह होते की, तो रस्त्यावरून चालणाऱ्या लोकांसाठी मृत्यूचा व्यापारी बनला होता. पण त्याची ही कृती त्यालाच महागात पडली आहे.
व्हिडिओमध्ये व्यक्ती दारूच्या नशेत असल्याचे दिसून येते. तो कारच्या खिडकीला लटकून जीवाची पर्वा न करता गाडी चालवत आहे. कार चालकाच्या या कृतीमुळे त्याचा जीव तर धोक्यात आला आहे. पण रस्त्यावरून चालणाऱ्या सर्वांसाठीही हा मोठा धोका आहे. कार चालवताना अचानक त्याचे कारवरील नियंत्रण सुटले आणि कार दुसऱ्या वाहनाला धडकली. ही संपूर्ण घटना रस्त्यावरून चालणाऱ्या एका व्यक्तीने आपल्या मोबाईलमध्ये कैद केली आणि हा व्हिडिओ सोशल मीडियावर व्हायरल झाला आहे.
व्हायरल झालेला व्हिडिओ मुंबईतील अंधेरी येथील घाटकोपर लिंक रोडवर शूट केलेला आहे. सूरज साव असे या व्यक्तीचे नाव असून त्याला अटक करण्यात आली आहे. दारूच्या नशेत सूरज साव हरमीत सिंग मदानच्या सेडानला धडक दिली. त्यानंतर त्यांनी या कार चालकाचा व्हिडिओ बनवला आणि तो अंधेरी पोलिसांच्या ताब्यात दिला. या व्हिडिओची दखल घेत मुंबई पोलिसांनी सूरज साओविरोधात एफआयआर नोंदवून त्याला अटक केली आहे. हा व्हिडिओ सोशल मीडिया प्लॅटफॉर्म एक्सवर मुंबई न्यूज नावाच्या पेजवरून शेअर करण्यात आला आहे.
हेही वाचा:
पाकिस्तानला मोठा झटका; चॅम्पियन्स ट्रॉफीसाठी ICC कडून प्लॅन B तयार
अजित पवारांना मोठा धक्का?, ‘या’ आमदाराने घेतली शरद पवारांची भेट
सोसायटीच्या मिटींगमध्ये वाद; अध्यक्षाने चक्क दाताने सदस्याचा अंगठा तोडला
