कोल्हापूरात अल्पवयीन मुलीवर अत्याचार आणि हत्या आरोपी निघाला घरातलाच
कोल्हापूरात दहा वर्षांच्या चिमुकलीवर लैंगिक अत्याचार करुन तिची हत्या (found)केल्याची धक्कादायक घटना समोर आली होती. या मुलीचा मृतदेह शेतात आढळला होता. या प्रकरणी पोलिसांनी अवघ्या पाच तासात आरोपीला अटक केलीय. बदलापूरची घटना ताजी असतानाच कोल्हापूर शहरालगत असणाऱ्या शिये गावामधे दहा वर्षीय चिमुकलीवर लैंगिक अत्याचार करून खून केल्याची धक्कादायक घटना घडली होती. या घटनेमुळे कोल्हापूर जिल्ह्यात खळबळ उडाली. गृहमंत्री देवेंद्र फडणवीस यांनी घेतली घटनेची गंभीर दखल होती. या प्रकरणी पोलिसांनी तात्काळ कारवाई करत अवघ्या पाच तासात आरोपीला अटक केली. धक्कादायक म्हणजे आरोपी घरातलाच निघाला. जवळच्या नातेवाईकानेचमुलीवर लैंगिक अत्याचार करुन हत्या केल्याचं उघड झालं आहे. पीडित कुटुंबीय हे मूळचे बिहारचे असून गेल्या तीन वर्षापासून शिरोली मध्ये आपल्या कुटुंबासोबत रहात आहे.
शिये गावातील राम नगर परिसरात शिवानी कुमार ही 10 वर्षीय चिमुकली आपल्या कुटुंबासोबत राहत होती. काल संध्याकाळी मृत मुलगी आणि तिची पाच भावंडे घरात होती. यावेळी एक व्यक्तीने शेतामधील नारळ काढायचे त्यामुळे तू माझा सोबत चल असं या चिमुरडीला सांगितलं. त्या बदल्यात पाच रुपये देतो असं आमिष दाखवलं. त्यानंतर ही दहा वर्षीय चिमुकली त्या व्यक्तीसोबत घरा पाठीमागे असणाऱ्या शेताकडे निघून गेली. संध्याकाळी मुलीचे आई वडील कंपनीतून काम करून घरी पोहोचले. त्यावेळी त्यांना मुलगी घरात कुठेच दिसली (found)नाही.
त्यांनी मुलीचा सगळीकडे शोध घेतला, पण मुलगी कुठेच सापडली नाही. अखेर सकाळी मुलगी बेपत्ता असल्याची माहिती पोलिसांना देण्यात आली. पोलिसांनी डॉग स्कॉडची मदत घेत मुलीचा शोध सुरु केला. त्यानंतर घराच्यामागे असलेल्या उसाच्या शेतात मुलीचा मृतदेह आढळला. पोलिसांनी तात्काळ वैद्यकीय पथक आणि फॉरेन्सिक टीमला घटनास्थळी पाचारण केलं. मुलीवर अत्याचार करुन तिची हत्या करण्यात आली होती. पोलिसांनी तात्काळ तपास सुरु करत परिसरातील सीसीटीव्हीचं फुटेज पाहिलं.
सीसीटीव्ही फुटेजमध्ये मृत मुलगी एका तरुणासोबत उसाच्या शेताकडे जाताना दिसली. या आधारे पोलिसांनी मृत मुलीच्या जवळच्या नातेवाईकाला ताब्यात घेतलं. पोलिसी खाक्या(found) दाखवताच या नराधमाने आपला गुन्हा कबुल केला. आरोपी हा मृत मुलीच्या मामीचा भाऊ आहे. गेल्या तीन महिन्यांपासून तो मृत मुलीच्या घरात राहायला आला होता. अत्याचार केल्यानंतर मुलगी रडायला लागली, आपलं बिंग फुटेल या भीतीने आरोपीने मुलीची हत्या केली. गुरुवारी सकाळी मुलीचा मृतदेह शेतात आढळला. पोलिसांनी अपघ्या पाच तासात आरोपीच्या मुसक्या आवळल्या.
हेही वाचा :
आनंदवार्ता! सोनं तब्बल ‘इतक्या’ हजारांनी घसरलं
शरद पवारांना झेड प्लस सुरक्षा: शंका आणि भाजपाची उपरोधिक प्रतिक्रिया
महाराष्ट्र नक्की हे काय घडतय? अनाथाश्रमातील तरुणींना वेश्याव्यवसायात ढकललं
