अजित पवारांची मोठी खेळी, काँग्रेस आमदार घड्याळ हातात घेणार?
राष्ट्रवादी काँग्रेसचे(Congress) नेते व उपमुख्यमंत्री अजित पवार आज अमरावती दौऱ्यावर आहेत. आमरावतीच्या काँग्रेस आमदार सुलभा खोडके यांनी अजित पवारांच्या स्वागताचे बॅनर लावले आहेत. अजित पवारांच्या बॅनरमुळे शहरात एकच चर्चा रंगली आहे. सुलभा खोडके राष्ट्रवादी काँग्रेसमध्ये प्रवेश करणार का? याबाबत अमरावतीच्या राजकारणात चर्चा रंगली आहे.
काँग्रेसचे(Congress) आमदार सुलभा खोडके ह्या अजित पवार यांच्या राष्ट्रवादी काँग्रेसमध्ये प्रवेश करणार असल्याचा अंदाज याआधीच साम टीव्हीने कालच दर्शवला होता. आता शहरातील बॅनरमुळे काँग्रेसचे आमदार सुलभा खोडके या अजित पवार यांच्या राष्ट्रवादी काँग्रेस प्रवेश करणार असल्याची शक्यता अधिक वाढली आहे.
आमदार सुलभा खोडके यांच्या अमरावती विधानसभा मतदारसंघातील अनेक कामांच्या भूमिपूजनासाठी आज अजित पवार उपस्थित राहणार आहेत. त्या पार्श्वभूमीवर अजित पवारांच्या स्वागताचे बॅनर शहरात झळकलेत.
अमरावती येथील काँग्रेसच्या आमदार सुलभा खोडके यांच्या विधानसभा मतदारसंघात अजित पवारांच्या हस्ते कोट्यवधि रुपयांच्या कामाचे भूमिपूजन होणार आहे. सुलभा खोडके या काँग्रेसच्या आमदार असल्या तरी कोणताही काँग्रेसचा बडा नेता या कार्यक्रमासाठी येणार नसल्याचे समजतेय. त्यामुळे सुलभा खोडके या राष्ट्रवादी काँग्रेसमध्ये जाणार असल्याची चर्चा अमरावतीमध्ये सुरु आहे.
सुलभा खोडके यांचे पती संजय खोडके हे अजित पवार यांचे सचिव आहेत. त्यामुळे सुलभा खोडके यांचा अजित पवार गटात प्रवेश होणार असल्याचे मानले जात आहे. सुलभा खोडके आगामी विधानसभा निवडणुकीत अमरावती मतदारसंघातून लढणार आहेत.
सुलभा खोडके याआधी एकसंध राष्ट्रवादी काँग्रेसमधून आमदार म्हणून निवडून आल्या होत्या. त्या आधीपासून अजित पवारांच्या संपर्कात आहेत. मागील निवडणुकीआघी राष्ट्रवादी काँग्रेसला रामराम करत त्या काँग्रेसच्या तिकिटावर निवडून आल्या. २००४ मध्ये त्यांनी राष्ट्रवादी काँग्रेसमधून पहिल्यांदा आमदारकी मिळवली होती. २००९ मध्ये रवी राणा यांच्याकडून पराभव स्विकारावा लागला. २०१४ मध्येही त्यांना पराभवाचा सामना करावा लागला होता. २०१९ मध्ये त्यांनी काँग्रेसकडून निवडणुकीच्या रिंगणात उतरत विजय मिळवला.
हेही वाचा:
अजित पवार महायुतीतून बाहेर पडतील…; आमदार बच्चू कडूंचे मोठे विधान
नागरिकांनो ‘या’ व्हिडिओंना लाईक कराल तर थेट होणार पोलीस चौकशी!
कॉलरला धरून अभिनेत्याला मारहाण; सारा गाव गोळा झालेला आणि…
