अशोक मामा टीव्ही सीरियलमध्ये दिसणार, दोन दशकांनंतर कमबॅक!
महाराष्ट्र भूषण अशोक सराफ, हिंदी-मराठी चित्रपटसृष्टीतील हरहुन्नरी अभिनेता, छोट्या पडद्यावर(TV serial) दमदार पुनरागमन करण्यासाठी सज्ज झाले आहेत. झी टीव्हीवरील त्यांच्या नव्या मालिकेचा प्रोमो नुकताच प्रदर्शित झाला असून प्रेक्षकांमध्ये प्रचंड उत्सुकता निर्माण झाली आहे. ‘अशोक मा.मा.’ या मालिकेतून अशोक सराफ पुन्हा एकदा प्रेक्षकांची मनं जिंकायला येत आहेत.
या मालिकेच्या(TV serial) प्रोमोमध्ये अशोक सराफ शिस्तप्रिय आणि काटेकोर व्यक्तिरेखा साकारताना दिसत आहेत, ज्यांचा मिश्कील अंदाज प्रेक्षकांच्या चेहऱ्यावर हसू आणेल. प्रोमोने प्रेक्षकांना गुंगवून ठेवले आहे आणि काहीतरी गूढ व थरारक पाहायला मिळणार असल्याचा अंदाज लावण्यात येत आहे. मालिकेतील त्यांच्या पात्राचं नाव देखील ‘अशोक मामा’ असल्याने हा योगायोग प्रेक्षकांना भावला आहे.
अशोक सराफ यांच्या या नव्या भूमिकेविषयी ते म्हणाले, “मालिका खूपच मनोरंजक आहे आणि चिन्मय मांडलेकरनं कथा अतिशय सुंदर पद्धतीने लिहिली आहे. अनेक वर्षांनी छोट्या पडद्यावर परतण्याचा अनुभव खूपच छान आहे.”
प्रोमो पाहिल्यानंतर प्रेक्षकांनी सोशल मीडियावर कौतुकाची थाप दिली असून, अशोक सराफ यांना वेगळ्या भूमिकेत पाहण्याची उत्सुकता व्यक्त केली आहे. ‘अशोक मा.मा.’ ही मालिका लवकरच प्रेक्षकांच्या भेटीला येणार असून त्यात कोणते कलाकार झळकणार आणि मालिका कधीपासून सुरू होणार याबाबतची माहिती लवकरच समोर येईल.
हेही वाचा:
राहाला मल्याळम अंगाई गाऊन झोपवतो रणबीर
अजित पवार पहिला बळी मग..; महायुतीचा मोठा प्लॅन, संजय राऊतांनी सगळचं सांगितलं
‘मॅच सुरु असताना माझ्याकडे बघतच नाही’; पत्नीच्या तक्रारीवर रविचंद्रन अश्विनची फिरकी
