बदलापूरच्या शाळेत चिमुरडीवर अत्याचार, अंगावर काटा आणणारी पोस्ट सोशल मीडियावर व्हायरल

देशभरात महिलांवरील अत्याचाराच्या घटना ताज्या असताना बदलापूरमध्ये(social media) अवघ्या चार आणि सहा वर्षांच्या दोन चिमुकल्या मुलींवर शाळेच्या स्वच्छतागृहात अत्याचार झाल्याची धक्कादायक घटना उघडकीस आली आहे. संबंधित संस्था ही बदलापूरमधील नामांकित शाळा आहे. येथील एका सफाई कर्मचाऱ्याने काही दिवसांच्या अंतराने दोन चिमुकल्या मुलींवर अत्याचार केले. हा प्रकार उघडकीस आल्यानंतर पालक आणि बदलापूरमधील नागरिक प्रचंड संतापले आहेत.

बुधवारी बदलापूर बंदची हाक देण्यात आली असून नागरिकांचा मोर्चा शाळेच्या गेटवर(social media) जाऊन धडकला आहे. मात्र, तीन तास उलटूनही शाळा प्रशासनाकडून नागरिकांशी चर्चा करण्यासाठी कोणीही पुढे आलेले नाही. या प्रकरणात पोलिसांची भूमिकाही संशयास्पद राहिल्याचा आरोप आहे. पोलिसांनी अनेक तास उलटूनही मुलींच्या पालकांची तक्रार दाखल करुन घेतली नव्हती. त्यामुळे पोलिसांवर कोणाचा दबाव होता, याबाबत प्रश्न उपस्थित केले जात आहे.

दरम्यान, हे संपूर्ण प्रकरण नेमके कसे उघडकीस आले, याबाबत सोशल मीडियावर एक पोस्ट व्हायरल होत आहे. पीडितेपैकी एका लहान मुलीने आपल्या पालकांना लघवीच्या जागी दुखत असल्याचे सांगितले आणि हा प्रकार उघडकीस आला. हा संपूर्ण प्रकार अंगावर काटा आणणारा आहे. कोलकाता येथील महिला डॉक्टरवर बलात्कार करुन तिची अमानुष पद्धतीने हत्या केल्याच्या मुद्दयावरुन सध्या देशभरातली वातावरण तापले आहे.

मात्र, मुंबईपासून काही अंतरावर असलेल्या बदलापूरमध्ये चिमुरड्या मुलींवर अत्याचार करण्यात आल्याची धक्कादायक घटना समोर आल्याने एकच खळबळ उडाली आहे. यासंदर्भात शिवसेनेचे पदाधिकारी जयेश वाणी यांनी लिहलेली एक पोस्ट व्हायरल होत आहे. या पोस्टमध्ये जयेश वाणी हा संपूर्ण प्रकार कसा उघडकीस आला, याबद्दल सांगितले आहे.

“ए आई मला शुच्या जागी मुंग्या चावताहेत….” हे वाक्य एका 3 वर्षे 8 महिन्याच्या मुलीचं… आईने दवाखान्यात नेल्यावर कळालं की शाळेतल्या अक्षय शिंदे नावाच्या “दादा” ने चिमुरडीच्या अजाणतेपणाला त्याच्या वासनेचं बळी बनवलं. बदलापुरच्या या शाळेचं नाव आदर्श विद्यालय. शाळेचे ट्रस्टी अर्थातच obviously भ्र.ज.पा. चे पदाधिकारी नेते. आरोपी हा हिस्ट्री शिटर असल्याची माहिती मिळतेय मग तरीही त्याला संस्थेवर का ठेवलं कामाला? तो पक्षाचा पदाधिकारी आहे म्हणुन? घटनेत एकच नाही तर जास्त मुली पिडीत आहेत. आरोपीचा हिंस्त्रपणा इतका भयानक की पिडीत चिमुरडीच्या आतड्यांपर्यंत दुखापत झाली.

“ए आई मला शुच्या जागी मुंग्या चावताहेत….” हे वाक्य एका ३ वर्षे ८ महिन्याच्या मुलीचं… आईने दवाखान्यात नेल्यावर कळालं की शाळेतल्या अक्षय शिंदे नावाच्या “दादा” ने चिमुरडीच्या अजाणतेपणाला त्याच्या वासनेचं बळी बनवलं. बदलापुरच्या या शाळेचं नाव आदर्श विद्यालय. शाळेचे ट्रस्टी अर्थातच…

— Adv.Jayesh Wani – अ‍ॅड.जयेश वाणी (@jayeshwani) August 19, 2024

इतकी जुनी आणि कधीकाळी राम पातकरांसारख्या ज्येष्ठ भाजप नेत्याने अध्यक्षपद भुषवलेली संस्था असुनही संस्थेत साधे CCTV काम करत नाहीत? संबंधीत मुलीचं मेडीकल पालकांनी करून घेतलं, शाळेने तक्रार मिळूनही तोंड बंद ठेवलं होतं. हा काय प्रकार आहे? माणुसपणाची लाज वाटायला हवी. निघृण, पाशवी आणि अमानवी… बाकीही अनेक डिटेल्स आहेतच. माझ्या चिमुरड्या बाहूलीच्या नातेवाईकांनी परवानगी दिली तर त्यांच्या बाजुने सगळा कायदेशिर भाग आम्ही निःशुल्क बघुत आणि हवी ती कायदेशीर मदत मिळवून देऊत. पोलिसांनाही विनंती, लपवाछपवी बंद करा. पत्रकारांना, सामाजिक कार्यकर्त्यांना प्रकरणाची माहिती द्या.

हेही वाचा :

तीच अ‍ॅक्शन, तोच वेग, तसाच यॉर्कर! टीम इंडियाला भेटली ‘लेडी बुमराह’… Video

सकाळच्या नाश्त्यात बनवा पौष्टिक पनीर टिक्का सॅंडविच, एकदम सोपी आहे रेसिपी.!

अजित पवारांनी सना मलिक यांना दिली महत्त्वाची जबाबदारी: राष्ट्रवादी काँग्रेसच्या प्रवक्तेपदी नियुक्ती