विधानसभा निवडणुकीआधीच शिवसेना-भाजप युतीमध्ये वाद, शिंदे गटाकडून भाजपला धक्का

विधानसभा(assembly) निवडणुकीच्या पार्श्वभूमीवर कल्याणमध्ये शिवसेना आणि भाजप यांच्यातील तणाव अधिकच वाढण्याची शक्यता निर्माण झाली आहे. शिवसेना शिंदे गटाचे जिल्हाप्रमुख अरविंद मोरे यांनी बंडखोरी केल्यास शिवसेना शांत बसणार नाही,असा सूचक इशारा दिला आहे. यालाचं भाजपकडून जशास तसं प्रतिउत्तर देण्यात आले आहे. त्यामुळे निवडणुका जाहीर होण्याआधीच भाजप – शिवसेनेत राजकीय धुरळा उडालायच दिसून आले आहे.

कल्याण पश्चिमेत शिंदेंच्या शिवसेनेने, भाजप जिल्हा सचिव विलास रंदवे यांच्यासह कार्यकर्त्यांना शिवसेनेत प्रवेश दिला (assembly). शिवसेना आमदार विश्वनाथ भोईर यांच्या निवासस्थानी हा प्रवेश पार पडला. प्रवेशानंतर शिवसेना कल्याण शिवसेना जिल्हाप्रमुख अरविंद मोरे यांनी भाजपला सूचक इशारा दिला आहे. जर कल्याण पश्चिममध्ये माजी आमदार नरेंद्र पवार, माजी नगरसेवक वरूण पाटील आणि इतर भाजप पदाधिकारी यांनी बंडखोरी केली, तर आमच्याकडून कल्याण पूर्व, डोंबिवली आणि मुरबाड मतदार संघात बंड खोरी होऊ शकते, असा इशारा दिला.

यावरच आता भाजपच्या माजी आमदार नरेंद्र पवार यांनी शिंदे गटाच्या जिल्हाप्रमुखाला सडेतोड प्रतिउत्तर दिले आहे. पवार यांनी सांगितले, की अरविंद मोरे महायुतीत मिठाचा खडा टाकायचा काम करतायत का? भिवंडी लोकसभेत मोदी साहेबांच्या पाठीत खंजीर कुणी खुपसला? तुम्ही पाठीत खंजीर खुपसण्याची भाषा बोलू नका, ती कामं तुम्ही चांगली करता. महायुतीत जो निर्णय होईल तो मान्य असेल, असे माजी आमदार पवार यांनी सांगितले. त्यामुळे निवडणुकीआधीच कल्याण – डोंबिवलीमध्ये शिवसेना आणि भाजप पक्षात राजकीय धुरळा उडाल्याचे चित्र दिसून आले आहे.

दरम्यान, याआधीही डोंबिवलीमध्ये शिवसेना शिंदे गट आणि भाजप पदाधिकाऱ्यांमध्ये वाद निर्माण झाला होता. सार्वजनिक बांधकाम मंत्री रवींद्र चव्हाण यांच्या वाढदिवसाच्या आदल्या रात्री ‘२० सप्टेंबर.. हॅप्पी खड्डे, डोंबिवलीकर ’ असा मजकूर असलेले फलक डोंबिवली शहरात लावण्यात आले होते. हे बॅनर लावून चव्हाण यांच्या वाढदिवसाची टवाळी करण्याचा तसंच शहराचे विद्रुपीकरण करण्याचा प्रयत्न केला गेल्याप्रकरणी विष्णूनगर पोलीस ठाण्यात शिवसेना शिंदे गटाचे दिपेश म्हात्रे यांच्या विरोधात गुन्हा दाखल केला होता.

हेही वाचा :

नाही, नाही म्हणत 10 आयपीएल खेळतो, शाहरुखचा MS धोनीला टोला

घराबाहेर खेळणाऱ्या तीन चिमुरड्या चुलत भावांवर ट्रॅक्टर घातला, एक ठार, दोन जखमी

मगरीच्या तोंडात हात घालून स्टंट करत होता तरूण अन्…; व्हिडिओ पाहून उडेल थरकाप