जीवे मारण्याच्या धमकीवर एकनाथ शिंदेंची प्रतिक्रिया; म्हणाले, “डान्सबार बंद केल्यावर… “

नागपूर: उपमुख्यमंत्री एकनाथ शिंदे(political issue) हे आज नागपूर दौऱ्यावर आहेत. एकनाथ शिंदे यांनी आज दोन मेळाव्यांना संबोधित केले. विधानसभा निवडणुकीच्या प्रचारावेळी मी सांगितले होते की, निवडणूक जिंकल्यानंतर मी येईन. दरम्यान आज मी तुमच्या सर्वांचे आभार मानायला आलो आहे. तसेच निवडणूक जिंकल्यानंतर आमची जबाबदारी अधिक वाढली आहे, असे उपमुख्यमंत्री एकनाथ शिंदे म्हणाले. त्यांनी पालकमंत्रीपदाचा तिढा आणि अन्य गोष्टींवर भाष्य केले आहे.

उपमुख्यमंत्री (political issue)एकनाथ शिदे नागपूर दौऱ्यात म्हणाले, “मला यापूर्वी सुद्धा जीवे मारण्याच्या धमक्या मिळलेल्या आहेत. डान्सबार बंद केले तेव्हाही धमक्या आल्या. अनेकदा जीवे मारण्याच्या धमक्या आल्या. तसे प्रयत्नदेखील झाले, मात्र मी घाबरलो नाही. नक्षलवाद्यांनी देखील धमकी दिली होती. मात्र मी त्यांच्या धमक्यांना भीक घातली नाही. गडचिरोलीत पहिला औद्योगिक प्रकल्प सुरू करण्याचे काम मी केले.

पुढे बोलताना उपमुख्यमंत्री एकनाथ शिंदे म्हणाले, “पालकमंत्रीपदाचा तिढा लवकरच सुटेल. तसेच मुख्यमंत्री लाडकी बहीण योजना बंद होणार नाही. एसटीमध्ये महिलांना 50% ची सवलत बंद केली जाणार नाही. ” दहावीचा पेपर फुटल्याच्या प्रकरणावर बोलताना या प्रकरणाची चौकशी केली जाईल. कॉपीमुक्त महाराष्ट्र करण्याचा आमच्या सरकारचा संकल्प आहे, असे एकनाथ शिंदे म्हणाले.

महाराष्ट्राचे उपमुख्यमंत्री एकनाथ शिंदे यांच्या गाडीला बॉम्बने उडवून देण्याची धमकी दिल्याप्रकरणी मुंबई पोलिसांच्या गुन्हे शाखेला मोठे यश मिळाले आहे. गुन्हे शाखेने दोन संशयितांना ताब्यात घेतले आहे. 20 फेब्रुवारीला एकनाथ शिंदे यांना अज्ञात व्यक्तीकडून गोरेगाव पोलिसांना एका अज्ञात व्यक्तीकडून ईमेल आला होता.

◻️LIVE | 21-02-2025
नागपूर

पत्रकारांशी संवाद https://t.co/Jf7YTr9mYw

— Eknath Shinde – एकनाथ शिंदे (@mieknathshinde) February 21, 2025

या मेलमध्ये एकनाथ शिंदे यांची गाडी बॉम्बने उडवून देण्याची धमकी होती. मंत्रालय आणि जेजे मार्ग पोलिस स्टेशनलाही अशाच प्रकारचे धमकीचे मेल आले होते. हा मेल मिळताच पोलिसांमध्ये एकच खळबळ उडाली. पोलिसांनी ईमेल पाठवणाऱ्या व्यक्तीचा शोध सुरू केला होता.

हेही वाचा :

सौरव गांगुलीवर येणार बायोपिक, ‘हा’ अभिनेता साकारणार ‘दादा’ची भूमिका!

पेपर सुरू होताच प्रश्नपत्रिका केंद्राच्या बाहेर; दहावीचा पेपर फुटल्याने खळबळ

महिलांचे अंघोळ करतानाचे व्हिडीओ, फोटो काढून…; कुंभमेळ्यातील संतापजनक प्रकार समोर