काचा खाली, म्युझिक फुल्ल; मद्यधुंद तरुण कारच्या खिडकीत लटकला Video

तरुण पिढीतील मोठा वर्ग व्यसनाच्या आहारी गेल्याचे पाहायला मिळते. त्यातून काही(window) गैरप्रकार घडतानाही समोर येत असतात. पिंपरी चिंचवड परिसरात चारचाकी कारमधून प्रवास करताना स्टंटबाजी करणाऱ्या तरुणांचा व्हिडिओ समोर आला आहे. देहू रोड परिसरात असणाऱ्या उड्डाणपुलावर काही तरुण दारूच्या नशेत गाडीच्या बाहेर अंग काढून मोठमोठ्याने नाचत असताना पाहायला मिळाले. या घटनेचा व्हिडिओ सोशल मीडियावर व्हायरल झाला आहे.

पिंपरी चिंचवड भागात देहू रोड परिसरातील हा व्हिडिओ (window)असून यामध्ये चारचाकी कारमध्ये बसलेले तरुण दरवाजाच्या खिडकीतून बाहेर येऊन डान्स करताना पाहायला मिळत आहेत. अशी धोकादायक स्टंटबाजी या तरुणांच्या जीवावर भेटू शकते, याचा अंदाज देखील या तरुणांना नाही. मात्र याबाबत पोलिसांनी योग्य ती कारवाई करणे गरजेचे असल्याचे मत व्यक्त केले जात आहे.

अशा जीवघेण्या स्टंटमुळे या तरुणांचा जीव देखील धोक्यात येऊ शकतो. आजच्या तरुणाईमध्ये स्टंटबाजी करण्याची क्रेझ देखील निर्माण झाल्याचे पाहायला मिळते. स्वतःच्या जीवाची पर्वा न करता असेच जीवघेणे स्टंट करणे जीवावर बेतू शकते. इतकी ही कल्पना देखील या तरुणांच्या मनात नसते. देहू रोडचा व्हायरल झालेल्या व्हिडिओमध्ये तरुणांनी मद्यपान केल्याची देखील माहिती समोर आली आहे.

पिंपरी चिंचवड पोलीस याबाबत काय कारवाई करतात. हे पाहणे देखील तितकेच महत्त्वाचे ठरणार आहे. पावसाची रिपरिप सुरु असताना तरुणांनी ही स्टंटबाजी केल्याने या घटनेचा व्हिडिओ सोशल मीडियावर व्हायरल झाला आहे.

याआधी, काही दिवसांपूर्वीच नागपुरातील लॉ कॉलेज ते धरमपेठ परिसराच्या दरम्यान धावत्या कारमध्ये प्रेमी युगुलाच्या अश्लील चाळ्यांची चित्रफित समाज माध्यमांवर व्हायरल झाल्याने खळबळ उडाली होती. एका मोटारसायकल चालकाने दोघांचे चाळे मोबाइलमध्ये कैद केले होते. पोलिसांनी प्रेमी युगुलाविरुद्ध गुन्हा दाखल केला होता. परंतु जामीनपात्र प्रकरण असल्याने दोघांनाही नंतर नोटीस देऊन सोडून देण्यात आले होते.

हेही वाचा :

ST मध्ये चढण्यासाठी शॉर्टकट पडला महागात; थेट खिडकीची चौकट आली हातात Video

खुशखबर! आता सोनं-चांदी होणार स्वस्त, सीमा शुल्कात घट करण्याचा केंद्राचा मोठा निर्णय

भयंकर! घटस्फोटाचा राग, बायको अन् मुलावर अॅसिड फेकलं