गुड न्यूज! लालपरीचं LIVE लोकेशन कळणार थेट मोबाइलवर

एसटी(ST) महामंडळाने प्रवाशांसाठी एक नवी सुविधा सुरू करण्याची तयारी केली आहे. लवकरच एसटी प्रवाशांना त्यांच्या मोबाइलवर बसचे थेट लोकेशन मिळणार असून, यामुळे प्रवाशांना स्टँडवर बसची वाट पाहण्याची वेळ वाचणार आहे.

एसटी(ST) ही अनेक प्रवाशांसाठी जीवनवाहिनी आहे. मात्र, गावातील किंवा लांब पल्ल्याच्या प्रवासात बस नेमकी कुठे आहे, हे समजत नसल्याने अनेक प्रवाशांना अडचणी येतात. बस वेळेवर येणार की उशीर होणार, हे ठाऊक नसल्याने प्रवाशांना अनेकदा अनिश्चिततेचा सामना करावा लागतो.

ही समस्या दूर करण्यासाठी एसटी महामंडळाने एक नवीन अॅप विकसित केले आहे. या अॅपद्वारे प्रवाशांना त्यांच्या तिकिटावरील ट्रिप कोडच्या आधारे एसटी बसचे थेट लोकेशन समजू शकणार आहे. व्हेईकल लोकेशन ट्रॅकिंग (व्हीएलटी) सिस्टिम बसगाड्यांमध्ये बसविल्यानंतर ही सुविधा प्रवाशांसाठी उपलब्ध होईल. लवकरच ही सेवा सुरू करण्यासाठी तांत्रिक प्रक्रिया अंतिम टप्प्यात आहे.

लांब पल्ल्याच्या प्रवाशांना आत्तापर्यंत त्यांच्या बसचे लाईव्ह ठिकाण समजत नव्हते. मात्र, आता ‘व्हीएलटी’ तंत्रज्ञानामुळे बस कोणत्या थांब्यावर किती वाजता पोहोचेल, याची अचूक माहिती मिळेल. प्रवाशांना मराठी आणि इंग्रजी अशा दोन्ही भाषांमध्ये अॅप वापरण्याची सुविधा मिळणार आहे.

या अॅपमध्ये ‘ट्रॅक बस’ या पर्यायावर तिकिटावरील ट्रिप कोड टाकल्यावर बसचे थेट लोकेशन समजू शकते. तसेच, एसटी बस मार्गातील इतर थांबे, चालक व वाहकांची माहिती, तसेच अपघात किंवा बिघाड झाल्यास मदतीसाठी थेट यंत्रणेशी संपर्क साधण्याची सुविधा यात देण्यात आली आहे. मुंबई सेंट्रल येथील अद्ययावत नियंत्रण कक्षाद्वारे राज्यभरातील एसटी बसवर देखरेख ठेवली जाणार आहे.

हेही वाचा :

‘तुम्ही केसरच्या नावाखाली….’, पान मसाला जाहिरातीवरुन शाहरुख, अजय देवगण आणि टायगर श्रॉफला अखेर नोटीस

अभिमानास्पद! चंद्रयान 2 ने उलगडलं चंद्राचं मोठं रहस्य, अद्भूत शोध; इस्त्रोही आनंदी…

टाटा ग्रुपचा ‘हा’ शेअर चमकेल, सोमवारी शेअर बाजारात दिसून येईल जोरदार हालचाल