किंग खान शाहरुखच्या ‘त्या’ एका कृतीने अंबानींचा लग्नसोहळा गाजवला
रिलायन्स इंडस्ट्रीज(reliance industries) लिमिटेडचे चेअरमॅन मुकेश अंबानी आणि नीता अंबानी यांचा धाकटा मुलगा अनंत अंबानीचा राजेशाही विवाहसोहळा मोठ्या थाटामाटात पार पडला. या विवाहसोहळ्याला दिग्गज राजकीय नेतेमंडळींसह अक्षरश: संपूर्ण बॉलिवूड अवतरलं होतं. या लग्नसोहळ्यात बॉलिवूडचा किंग खान देखील आपल्या कुटुंबीयांसह उपस्थित होता. मात्र, या लग्नसोहळ्या दरम्यान किंग खानच्या एका कृत्याचं कौतुक सध्या सोशल मीडियावर होतंय.
बॉलिवूडचा किंग खान नेहमीच आपल्या वेगवेगळ्या कृत्यांनी चाहत्यांचं मन जिंकतो. अंबानींच्या(reliance industries) विवाहसोहळ्यात देखील शाहरुखच्या याच कृत्याने लोक अक्षरश: भारावून गेले आहेत. या लग्नसोहळ्यात बिग बी अमिताभ बच्चन आणि जया बच्चन यांना भेटताना शाहरूख खानने त्यांच्या वाकून पाया पडला. यावेळी बिग बींनी त्याला आशीर्वादही दिले. या व्हिडीओला पाहताच शाहरूखने पुन्हा एकदा चाहत्यांचं मन जिंकलं आहे.
अर्थात, अनंत अंबानी आणि राधिका मर्चंटच्या विवाहसोहळ्या दरम्यान अनेक व्हिडीओ व्हायरल झाले. पण, शाहरूखचं हे जेस्चर मात्र सर्वांना भावलं. शाहरूखचा हा व्हिडीओ सोशल मीडियावर तुफान व्हायरल होतोय. अवघ्या काही तासांतच हा व्हिडीओ 90 हजारांहून अधकि लोकांपर्यंत पोहोचला आहे.
तसेच, या व्हिडीओवर चाहत्यांच्या इंटरेस्टिंग कमेंट्सही पाहायला मिळतायत. या कमेंटमध्ये एका फॅनने लिहीलं आहे. “दॅट्स व्हाय आय एम जबरा फॅन.” तर, दुसऱ्या फॅनने म्हटलं आहे, म्हणूनच तर आम्ही म्हणतो, की प्रत्येकजण SRK नाही होऊ शकत. तर, आणखी एका यूजरने लिहीलं आहे, K3G Scene Rewind.
हेही वाचा :
अंबानींच्या लग्नात दिसून आलं बच्चन कुटुंबातील सत्य
लग्नबंधनात अडकले अनंत अंबानी-राधिका मर्चंट, वरमाला सोहळ्याचा VIDEO समोर
अंबानींची सून राधिका मर्चंटचा पहिला फोटो प्रसिद्ध, गुजराती पाणेतर लेहेंग्यात सजली
