कधीपर्यंत साहेबांच्या मृत्यूचं राजकारण करणार धर्मवीर २ वरून केदार दिघेचा शिंदेंना सवाल

शिवसेना नेते आनंद दिघे यांच्या आयुष्यावर आधारित ‘धर्मवीर’ या चित्रपटाने (audience examples)प्रेक्षकांची मनं जिंकली होती. आता या चित्रपटाचा दुसरा भाग प्रेक्षकांच्या भेटीला येणार आहे. या चित्रपटात दिघे साहेबांच्या मृत्यूचं गूढ उलगडणार आहे असं सांगण्यात येतंय. आनंद दिघे यांचा मृत्यू नेमका कसा झाला हे भाग दोन मध्ये दाखवण्यात येणार असल्याचं शिंदे गटाच्या नेत्यांनी म्हटलं होतं. मात्र आता ‘धर्मवीर २’ या चित्रपटावर खुद्द आनंद दिघे यांचा पुतण्या केदार दिघे यांनी प्रश्न उपस्थित केले आहेत. शिंदे आणखी किती दिवस दिघे साहेबांच्या मृत्यूचं राजकारण करणार असा थेट प्रश्न त्यांनी उपस्थित केला आहे.

केदार दिघे हे आनंद दिघे यांचा लहान भाऊ अनंत दिघे यांचे सुपुत्र आहेत. त्यांनी आता ‘धर्मवीर २’ च्या ट्रेलरवरून मुख्यमंत्र्यांना प्रश्न विचारले आहेत. मुलाखतीत बोलताना केदार म्हणाले, ‘मधल्या अडीच वर्षांच्या कालावधीमध्ये शिंदेंनीच असं सांगितलं होतं की दिघे साहेबांचा मृत्यू कशामुळे झाला. तो हार्ट (audience examples)अटॅकमुळे झाला असं ते म्हणाले होते. हे त्यांच्या तोंडातून आलं होतं. त्याची एक क्लिपदेखील आहे. मग हे जर का तुम्ही त्यावेळेला सांगितलं तर आता निवडणुकीच्या वेळेला आणि अगोदर तुमच्या नेत्यांनी मध्येच काही स्टेटमेंट दिलं की दिघे साहेबांच्या मृत्यूचं गूढ बाहेर काढू. याचा अर्थ काय? तुम्हाला काय म्हणायचंय?’

पुढे ते म्हणाले, ‘२२ वर्ष तुम्ही साहेबांच्याच मृत्यूचं राजकारण करत राहणार? ते पण स्वतःच्या स्वार्थासाठी. मग तुमच्या या दैवतावर, तुम्हाला ज्यांनी घडवलं त्या (audience examples)नेत्यावर अन्याय होत होता मग तुम्ही मागील २२ वर्ष गप्प का बसलात? ‘ असाही प्रश्न त्यांनी विचारला आहे. दरम्यान ‘धर्मवीर २’ मधील अनेक संवाद हे नेटकऱ्यांना देखील खटकले होते. आघाडी झाली तेव्हा आनंद दिघे हयात नव्हते मग चित्रपटात त्यांच्या तोंडी ते संवाद कसे असे प्रश्नही प्रेक्षकांनी उपस्थित केले होते.