कोल्हापुर : महाडिकांना काँग्रेसवर वेगळाच संशय; लाडक्या बहिणींना केलं सावध…

कोल्हापूर, ८ जुलै २०२४: मुख्यमंत्री एकनाथ शिंदे, उपमुख्यमंत्री देवेंद्र फडणवीस(dear me) आणि उपमुख्यमंत्री अजित पवार यांनी ‘लाडकी बहीण’ योजना तळागाळापर्यंत पोहोचवण्यासाठी महायुतीतील आमदार, खासदार, पदाधिकारी आणि कार्यकर्त्यांना कामाला लावले आहे. या योजनेसाठी महिलांकडून फॉर्म भरून घेण्याचे काम जोरात सुरू आहे. मात्र, कोल्हापूर जिल्ह्यातील काँग्रेसचे काही आमदारही महिलांकडून फॉर्म भरून घेत असल्याने भाजपचे राज्यसभेचे खासदार धनंजय महाडिक यांनी या परिस्थितीवर संशय व्यक्त केला आहे.

धनंजय महाडिकांचा आरोप:
महाडिक यांनी आरोप केला की काँग्रेस कार्यकर्ते (dear me)या योजनेसाठी जिल्ह्यात महिलांचे फॉर्म भरून घेत आहेत. मात्र, हे फॉर्म शासनापर्यंत पोहोचवतीलच असे नाही. काँग्रेसच्या हातून या योजनेचा लाभ महिलांना मिळू न देण्याचा प्रयत्न होत असल्याचा आरोप त्यांनी केला आहे. त्यांनी नेमके कोणत्या आमदारांवर निशाणा साधला, याबाबत चर्चा रंगली आहे.

महिलांना आवाहन:
महाडिक यांनी महिलांना आवाहन केले आहे की, “योजनेचा लाभ मिळाला नाही, असा चुकीचा आरोप काँग्रेसकडून होण्याची शक्यता नाकारता येत नाही. त्यामुळे महिलांनी शासकीय यंत्रणा, अंगणवाडी सेविका, सेतू केंद्र आणि महायुतीचे कार्यकर्त्यांमार्फतच फॉर्म भरून घ्यावेत.”

महायुतीच्या निवडणुकीतील तयारी:
लोकसभा निवडणुकीत विरोधकांनी आणि काँग्रेसने खोटा प्रचार केला आणि संविधान बदलणार असा कांगावा केला. विधानसभेला खोटा प्रचार चालणार नाही, असे महाडिक म्हणाले. कोल्हापुरात दहा जागांवर भाजप लागण्यास तयार आहे. मात्र महायुती म्हणून आम्ही सध्या एकत्र आहोत. जागांबाबत काय निर्णय होईल, हे वरिष्ठांच्या निर्णयावरच ठरेल. महाडिक यांच्या या वक्तव्यामुळे कोल्हापुरातील राजकीय वातावरण तापले आहे आणि लवकरच या वादाचे चित्र स्पष्ट होईल.

हेही वाचा :

 तुतारी- पिपाणी वादावर फैसला, अजित दादांचे ७ आमदारही धोक्यात, शरद पवारांचा मोठा डाव

दोन वर्षांच्या राहा कपूरला पुस्तकांची आवड, आई आलियाने सांगितल्या लेकीच्या आवडीनिवडी

हार्दिकनंतर नताशकडूनही घटस्फोटाच्या चर्चांना दुजोरा ? म्हणाली, ‘तुझ्या आयुष्यात…’