महाराष्ट्र हादरलं! ३ तरुणांसह महिलेचं अपहरण करून बेदम मारहाण Video Viral
पुण्यामध्ये अपहरण करून ३ तरुणांसह एका महिलेला बेदम मारहाण केल्याची धक्कादायक(viral video) घटना समोर आली आहे. पुणे जिल्ह्यातील शिक्रापूरमध्ये ही घटना घडली आहे. चौघांनाही हात-पाय बांधून, लाथा-बुक्क्यांनी आणि कोयत्याने जबर मारहाण करण्यात आली आहे. या घटनेचा व्हिडीओ सोशल मीडियावर व्हायरल झाला आहे. तरी देखील पोलिसांकडून अद्याप कारवाई करण्यात आली नाही. या घटनेमुळे एकच खळबळ उडाली आहे.
मिळालेल्या माहितीनुसार, पुणे जिल्ह्याच्या शिक्रापूर येथील ३ तरुणांसह एका महिलेला(viral video) काही अज्ञात लोकांकडून अपहरण करण्यात आले होते. कारमधून अज्ञातस्थळी घेऊन जाऊन या चौघांनाही लाठ्याकाठ्या, कोयता, तलवारीसह हातपाय बांधून जबर मारहाण करण्यात आली आहे. या धक्कादायक प्रकारामुळे पुणे जिल्हा हादरला आहे. चार ते पाच तरुण एका तरुणाला जबर मारहाण करत असल्याचे व्हिडीओमध्ये दिसत आहे. मारहाण करू नये यासाठी तो विनंती करत आहे तरी देखील त्याला जमिनीवर लोळेपर्यंत मारहाण केली जात असल्याचे व्हिडीओत दिसत आहे.
तर दुसऱ्या व्हिडीओमध्ये एका व्यक्तीचे हात-पाय बांधल्याचे दिसत आहे. त्याचे पाय खिडकिला बांधले आहेत. त्याला देखील बेदम मारहाण केल्याचे दिसत आहे. हे व्हिडीओ सोशल मीडियावर मोठ्याप्रमाणात व्हायरल होत आहे. हे व्हिडीओ पाहून पुणेकर संताप व्यक्त करत आहेत. या चौघांना का मारहाण करण्यात आली यामागचे कारण अद्याप समोर आले नाही.
महत्वाचे म्हणजे ही घटना होऊन दोन दिवस झाले तरी देखील अद्याप गुन्हा दाखल करण्यात आलेला नाही. या घटनेप्रकरणी शिक्रापूर पोलिसांनी काहीच कारवाई केली नाही. तसंच पोलिस याबाबत काहीच बोलायला तयार नाहीत. अशामध्ये पुणे ग्रामीण पोलिस नेमकी काय कारवाई करतात ते पाहणे महत्त्वाचे ठरणार आहे.
हेही वाचा :
मी चौथीत असताना बिड्या प्यायचो चक्कर येऊन पडायचो माजी मंत्रीचा VIDEO
यादीतून पिपाणी वगळा अन्यथा शरद पवार गटाचा निवडणूक आयोगाला इशारा
पाऊस लांबल्याने भाजीपाल्याचे दर कडाडले; टोमॅटो, भेंडी 80 रु. किलो
