परंतु पैशांअभावी लग्नाच्या अडीच महिन्यांनंतरही कुठेही जाऊ शकले नाहीत तेव्हा काय होते?(train )बरं. याचं सोपं उत्तर असं आहे की, लग्नानंतर प्रत्येक जोडपं हनीमूनला जाणं गरजेचं नसतं. लग्नानंतर फिरायला जाणे बंधनकारक आहे, असा कोणताही नियम नाही. लग्नानंतर हनीमूनला जाता न आल्याने अडीच महिन्यानंतर एका जोडप्याने रेल्वेसमोर उडी मारल्याची घटना पाकिस्तानातून उघडकीस आली आहे. हे प्रकरण नेमकं काय आहे, ते पुढे वाचा.पाकिस्तान गंभीर आर्थिक संकटाचा सामना करत आहे. सुमारे 42 टक्के लोक दारिद्र्य रेषेखाली जगत आहेत. पाकिस्तानच्या चक झुमरा मधून ही अत्यंत हृदयद्रावक घटना समोर आली आहे. हनीमूनसाठी पैसे न मिळाल्यानेच नवविवाहित जोडप्याने रेल्वेसमोर उडी मारली. छोट्या-छोट्या इच्छा पूर्ण झाल्या नाहीत तरी माणसाला जगण्याचे ओझे वाटते, अशा सामाजिक आणि कौटुंबिक दडपणाचे क्रूर वास्तव या घटनेने उलगडले आहे.
34 वर्षीय साजिद हा यंत्रमाग कारखान्यात मजूर म्हणून काम करत होता. अडीच महिन्यांपूर्वी रझिया बीबी 30 हिच्याशी त्याचा विवाह झाला होता. ईदनंतर नारन पाकिस्तानातील हिल स्टेशन येथे जाण्याचा दोघांचा बेत होता, पण आर्थिक अडचणी त्यांच्या स्वप्नाच्या मध्यभागी भिंत बनल्या. साजिदने आपल्या मोठ्या भावांकडे हनीमूनसाठी पैसे मागितले, पण दोन्ही भावांनी असमर्थता व्यक्त केली. (train )मंगळवारी सकाळी वैतागलेला साजिद पत्नी रझियाला घेऊन घरातून निघाला आणि भाईवाला रेल्वे क्रॉसिंगवर पोहोचला.तेथून त्याने भाऊ जाहिदला फोन करून सांगितले की, मी माझ्या पत्नीचे जीवन संपवत आहे. ये आणि आमचे मृतदेह घेऊन जा.” हे ऐकताच जाहिदला काहीच सुचेना, पण तोपर्यंत खूप उशीर झाला होता. तेवढ्यात लाहोरहून कराचीकडे जाणारी बदर एक्सप्रेस ट्रेन आली आणि पती-पत्नी दोघांनीही रुळावर प्राण सोडले.
ट्रेन जाताच दोघांचा जागीच मृत्यू झाला, त्यांचे मृतदेह छिन्नविछिन्न अवस्थेत आढळले. घटनास्थळी पोहोचलेल्या भाऊ जाहिद यांनी पादचाऱ्यांच्या मदतीने मृतदेह गोळा करून पोलिसांना माहिती दिली. कायदेशीर प्रक्रिया पूर्ण करून मृतदेह कुटुंबीयांच्या ताब्यात देण्यात आल्याची माहिती पोलिसांनी दिली.(train )कौटुंबिक वादामुळे लग्नानंतर अवघ्या 15 दिवसांनी हे जोडपे विभक्त झाल्याचे तपासात समोर आले आहे. शेजाऱ्यांचे म्हणणे आहे की भावनिक दबावामुळे साजिद आणि रझिया आतून तुटले होते. हनिमूनसारख्या छोट्या स्वप्नासाठी एवढं मोठं पाऊल उचलणं ज्या व्यवस्थेत भावनांना किंमत नसते आणि आर्थिक लाचारी माणसाला मृत्यूच्या दिशेने ढकलते, त्या व्यवस्थेवर प्रश्नचिन्ह निर्माण होतं.
हेही वाचा :
