खेळाडूची चूक आणि Virat Kohli संतापला, रागात मैदानावर… Video Viral

रॉयल चॅलेंजर्स बंगळुरूचा स्टार फलंदाज विराट कोहली(Virat Kohli) जेव्हा जेव्हा मैदानावर असतो तेव्हा तो चर्चेत येतो. कधी कोहली त्याच्या शानदार फलंदाजी, क्षेत्ररक्षणामुळे तर कधी त्याच्या रागामुळे प्रसिद्धीच्या झोतात राहतो.

अलिकडेच, मुंबई इंडियन्स विरुद्ध खेळल्या गेलेल्या आयपीएल २०२५ च्या २० व्या सामन्यात विराट कोहली रागावलेला दिसला. पहिल्यांदा तो बाद झाल्यानंतर त्याने त्याची बॅट ड्रेसिंग रूममध्ये फेकली. क्षेत्ररक्षण करताना, त्याच्या सहकारी खेळाडूने केलेली चूक पाहून कोहलीने(Virat Kohli) त्याची टोपी जमिनीवर फेकली. कोहली इतका रागावला ते आम्ही तुम्हाला सांगणार आहोत.

खरंतर, विराट कोहली वानखेडे मैदानावर खूप रागावला. मुंबई इंडियन्सविरुद्ध खेळल्या गेलेल्या सामन्याच्या १२ व्या षटकात यश दयालच्या दुसऱ्या चेंडूवर सूर्यकुमार यादवने शॉट मारला. यशला सोपा झेल घेण्याची संधी होती पण नंतर यष्टीरक्षक जितेश शर्मा आला आणि दोन्ही खेळाडूंमध्ये टक्कर झाली आणि चेंडू खाली पडला.

चेंडू बराच उंच होता आणि यष्टीरक्षक जितेशला झेल घ्यायचा होता पण यशने त्याचा आवाज ऐकला नाही आणि त्यामुळे आरसीबीला पराभव पत्करावा लागला. या दोन्ही खेळाडूंमध्ये समन्वयाचा अभाव पाहून विराट कोहलीला मैदानावर आपला राग आवरता आला नाही. रागाच्या भरात त्याने त्याची टोपी काढली आणि जमिनीवर फेकली.

या घटनेचा व्हिडीओ कॅमेरामध्ये कैद झाले आहे सोशल मीडियावर मोठ्या प्रमाणात व्हायरल होत आहे. यावेळी, क्रीजवर असलेला सूर्यकुमार २७ धावांच्या वैयक्तिक धावसंख्येवर फलंदाजी करत होता, परंतु जितेश आणि यश दयाल यांच्या चुकीमुळे त्याला जीवनरेखा मिळाली. तथापि, फिल सॉल्टने सूर्यकुमार यादवला बाद करून ही चूक सुधारली.

Virat Kohli's angry reaction after Yash Dayal dropped the catch.#ViratKohli #RCBvsMI #HardikPandya pic.twitter.com/zrxBfqT4pp

— Indian Cricket Fc (@Jonathan_fcc) April 8, 2025

प्रथम फलंदाजी करताना, आरसीबीने विराट कोहली (६७) आणि कर्णधार रजत पाटीदार (६४) यांच्या अर्धशतकांच्या जोरावर मुंबई इंडियन्सविरुद्ध २२१ धावा केल्या. प्रत्युत्तरादाखल, मुंबई संघानेही २०९ धावा केल्या आणि इतक्या जवळ येऊनही त्यांना विजय मिळवता आला नाही. शेवटच्या षटकात मुंबईला विजयासाठी १९ धावांची आवश्यकता होती, पण कृणाल पंड्याने तीन विकेट्स घेत मुंबईला सामन्यातून बाहेर काढले. या स्पर्धेत मुंबईचा हा सलग चौथा पराभव आहे.

हेही वाचा :

अभिनेता आयुष्यमान खुरानावर दु:खाचा डोंगर, पत्नीला 7 वर्षांनंतर पुन्हा…

दहावीच्या विद्यार्थ्यांसाठी महत्वाची बातमी, निकालाच्या तारखेबाबत मोठी अपडेट समोर

मलायका अरोरा विरोधात वॉरंट जारी, २९ एप्रिल रोजी होणार सुनावणी