प्राजक्ता माळीची चाहत्यांना वाढदिवसाची भेट, ‘फुलवंती’ची रिलीज डेट जाहीर
अभिनयाच्या क्षेत्रात आपला ठसा उमटवल्यानंतर अभिनेत्री प्राजक्ता माळीने(gift) आपल्या वाढदिवसानिमित्त चाहत्यांना अनोखी भेट दिली आहे. तिने आपल्या निर्मिती असलेल्या ‘फुलवंती’ या चित्रपटाचे मोशन पोस्टर नुकतेच रिलीज केले असून, हा चित्रपट येत्या 11 ऑक्टोबर रोजी प्रेक्षकांच्या भेटीला येणार असल्याचे जाहीर केले आहे.
शिवशाहीर बाबासाहेब पुरंदरे यांच्या ‘फुलवंती’ या कादंबरीवर आधारित(gift) या चित्रपटाच्या निमित्ताने स्नेहल तरडे दिग्दर्शन क्षेत्रात पदार्पण करत आहे. मोशन पोस्टरमध्ये प्राजक्ता माळीच्या राजेशाही आणि मोहक लूकने चाहत्यांना घायाळ केले आहे, ज्यामुळे चित्रपटाच्या भव्यतेची झलक मिळते.
प्राजक्ता माळीने सांगितले की, “फुलवंती माझ्यासाठी अत्यंत खास आहे. याच्या निमित्ताने मी निर्मिती क्षेत्रात प्रवेश केला आणि अनेक गोष्टी शिकायला मिळाल्या. बाबासाहेबांच्या ‘फुलवंती’वर चित्रपट बनवण्याची माझी खूप इच्छा होती, आणि ती आता पूर्ण झाली आहे.”
या चित्रपटाच्या निर्मितीत पॅनोरमा स्टुडिओजसह मंगेश पवार ॲन्ड कं., शिवोऽहम् क्रिएशन्स, आणि प्राजक्ता माळी यांचा सहभाग आहे. ‘फुलवंती’ मराठी सिनेसृष्टीत एक भव्यदिव्य आणि अविस्मरणीय कलाकृती ठरेल, असा विश्वास चित्रपटाच्या टीमने व्यक्त केला आहे.
हेही वाचा:
नदीकाठी करत होता स्टंट; अचानक तोल गेला अन्…Video
Jio सिम बंद झालं म्हणून ग्राहकाने थेट मुकेश अंबानींना खेचलं कोर्टात
‘धर्मवीर-२’च्या प्रदर्शनाची तारीख बदलली: पावसामुळे लांबणीवर आणि राजकीय चर्चेचा उदय
