शरद पवारांचा उद्यापासून चार दिवस कोल्हापुरात मुक्काम; विधानसभेच्या तोंडावर जोडण्या लावणार

कोल्हापूर : आगामी विधानसभा निवडणुकीच्या पार्श्वभूमीवर राष्ट्रवादी काँग्रेस शरदचंद्र पवार पक्षाचे (political updates)अध्यक्ष शरद पवार उद्यापासून (2 सप्टेंबर) तब्बल चार दिवसांच्या कोल्हापूर दौऱ्यावर येत आहेत. या चार दिवसांच्या दौऱ्यामध्ये शरद पवारांचा कोल्हापूर जिल्ह्यातील आगामी विधानसभा निवडणुकीच्या पार्श्वभूमीवर भेटीगाठीचा कार्यक्रम असणार आहे. भाजपचे माजी ग्रामीण जिल्हाध्यक्ष आणि पश्चिम महाराष्ट्रातील सहकारात दबदबा असलेल्या समरजितसिंह घाटगे यांचा राष्ट्रवादी काँग्रेसमध्ये प्रवेश होणार आहे.

3 सप्टेंबर रोजी कागलमध्ये गैबी चौकामध्ये शरद पवारांच्या(political updates) उपस्थितीत घाटगे तुतारी फुंकणार आहेत. या कार्यक्रमाच्या माध्यमातून समरजित घाटगे आगामी विधानसभा निवडणुकीसाठी वैद्यकीय शिक्षण मंत्री हसन मुश्रीफ यांच्या विरोधात रणशिंग फुंकणार आहेत. त्यामुळे हा कार्यक्रम अधिकाधिक दमदार करण्यासाठी राष्ट्रवादी काँग्रेसकडून प्रयत्न सुरू आहेत. या मेळाव्यासाठी राष्ट्रवादी काँग्रेसचे प्रदेशाध्यक्ष जयंत पाटील सुद्धा उपस्थित राहणार आहेत.

शरद पवार चार दिवसांच्या दौऱ्यामध्ये मंगळवारी सकाळी दहा वाजता केशवराव भोसले नाट्यगृहाची पाहणी करणार आहेत. केशवराव भोसले नाट्यगृह आगीच्या भक्षस्थानी पडलं आहे. ते केशवराव भोसले नाट्यगृहाची पाहणी करतील. सायंकाळी ते कागलमध्ये मेळाव्यासाठी पोहोचतील.

बुधवारी 4 सप्टेंबर रोजी भारत पाटणकर सुवर्णमहोत्सवी वर्षानिमित्त कोल्हापुरात शाहू सभागृहात सत्कार करण्यात येणार आहे. त्यानंतर राष्ट्रवादीच्या कार्यकर्त्यांसोबत बैठक होणार आहे. गुरुवारी पतंगराव कदम यांचा पुर्णाकृती पुतळ्याच्या लोर्कापणासाठी ते सांगलीमध्ये जातील. तो कार्यक्रम करून ते बारामतीकडे प्रस्थान करतील.

हेही वाचा:

दीपिका पदुकोण ‘या’ दिवशी होणार आई, डिलिव्हरी डेटचं एक्स बॉयफ्रेंड रणबीर कपूरसोबत खास कनेक्शन?

विश्वजित कदम आमदार सतेज पाटलांबाबत काय म्हणाले? अवघ्या महाराष्ट्राच्या भूवया उंचावल्या!

सप्टेंबर महिना 5 राशींसाठी ठरणार खास; लक्ष्मी योगामुळे नशीब सोन्यासारखं उजळणार