शिक्षिकेनं भर वर्गात केलं विद्यार्थ्यासोबत लग्न, टीका झाल्यावर मुलाला घेऊन झाली गायब video

सोशल मीडियावर सतत विविध प्रकारचे व्हिडीओ व्हायरल होत असतात. पण यापैकी काही व्हिडीओ पाहून खरंच अवाक् व्हायला होतं. असाच एक अतरंगी व्हिडीओ समोर आला आहे. या व्हिडीओमध्ये तुम्ही तुम्ही एका शिक्षिकेला(Teacher) आपल्याच विद्यार्थ्यासोबत लग्न करताना पाहू शकता. आता तुम्ही म्हणाल मग यात काय विषेश? कारण असे प्रकार देशभरात सर्रास घडत असतात.

अहो, पण या शिक्षिकेनं(Teacher) भर वर्गात लग्न केलेय. आणि त्यानंतर आपल्या नवऱ्याला घेऊन ती गायब झाली. या व्हायरल व्हिडीओनं सोशल मीडियावर एकच खळबळ उडवली आहे. लक्षवेधी बाब म्हणजे पोलिसांनी जेव्हा या घटनेचा तपास केला तेव्हा भलतीच माहिती समोर आली. या लग्नामागची सत्यता पाहून तुम्हाला सुद्धा झटका बसल्याशिवाय राहणार नाही.

ही घटना पश्चिम बंगालमधील नादिया जिल्ह्यातील हरिनघाट तंत्रज्ञान महाविद्यालयातील मानसशास्त्र विभागात घडली आहे. हे महाविद्यालय मौलाना अबुल कलाम आझाद तंत्रज्ञान विद्यापीठाच्या अंतर्गत येते. तर त्याचं झालं असं की, मानशास्त्र शिकवणाऱ्या एका वरिष्ट शिक्षिकेनं पहिल्या वर्षातील विद्यार्थ्यासोबत भर वर्गात लग्न केलं. हे लग्न विधीवत बंगाली पद्धतीनं झालं. वर्गातील विद्यार्थ्यांनी या लग्नाचे व्हिडीओ आपल्या कॅमेऱ्यात कैद केले. आणि आता हे व्हिडीओ सोशल मीडियावर व्हायरल होत असून देशभरात या लग्नाची चर्चा केली जात आहे.

A lady Professor in MAKAUT is 'getting married' to her young student in the office. pic.twitter.com/coXaVGH7s7

— Abir Ghoshal (@abirghoshal) January 29, 2025

या लग्नामुळे कॉलेजवर प्रचंड टीका करण्यात आली. व्हिडीओ व्हायरल झाल्यानंतर शिक्षिका त्या मुलाला घेऊन गायब झाली. त्यानंतर विद्यापीठाने ३ सदस्यीय समिती स्थापन करून या प्रकरणाची सखोल चौकशी केली. त्यानंतर भलताच प्रकार समोर आला. ही शिक्षिका लग्न म्हणजे काय याबाबत विद्यार्थ्यांना शिकवत होती.

त्यावेळी प्रात्यक्षिक दाखवण्यासाठी तिनं हे लग्न केल्याचं तिनं म्हटलं. शिक्षिकेनं केलेल्या दाव्यानुसार हे लग्न निव्वळ एक नाटक आहे. पण कोणीतरी हा व्हिडीओ परवानगी न घेता सोशल मीडियावर शेअर केला आणि तो व्हायरल झाला. दरम्यान विद्यापिठानं शिक्षिकेला सक्तीच्या रजेवर पाठवलं आहे. असो, या प्रकरणी तुमचं मत काय आहे? तुम्ही देखील आपल्या प्रतिक्रिया द्या.

हेही वाचा :

विराटसाठी काहीपण..! चाहता सुरक्षा तोडून मैदानात घुसला अन्.., व्हिडिओ होतोय व्हायरल

धक्कादायक! मोबाईल चोरण्यासाठी तरुणीला फरपटत नेलं अन्…; संतापजनक घटनेचा VIDEO व्हायरल

सुनिता विल्यम्स अंतराळातून लवकर परतणार? एलॉन मस्कवर डोनाल्ड ट्रम्प यांनी सोपवली जबाबदारी