विराट कोहलीच्या रॉकेट शॉटने मोडली स्टेडियमची भिंत, जोरदार सिक्स पाहून प्रेक्षक हैराण

भारत विरुद्ध बांगलादेश यांच्यात टेस्ट दोन सामन्यांची(match) टेस्ट सीरिज खेळवली जाणार असून यातील पहिला सामना हा 19 सप्टेंबर रोजी पार पडणार आहे. चेन्नईच्या चेपॉक स्टेडियमवर होणाऱ्या या सामन्यासाठी टीम इंडियाचा संघ सरावा करता येथे पोहोचला आहे. रोहित शर्मा विराट कोहली सारखे दिग्गज बांगलादेशला टेस्ट सीरिजमध्ये धूळ चारण्यासाठी सरावा दरम्यान घाम गाळत असून विराट कोहलीने या दरम्यान ठोकलेल्या एका सिक्समुळे स्टेडियमच्या भिंतीला भोक पडल्याचे पाहायला मिळाले.

सरावादरम्यान विराट कोहलीने रविवारी चेन्नईच्या चेपॉक स्टेडियमवरील भिंतीला भोक पडले. बांगलादेश विरुद्ध पहिल्या टेस्ट सामन्यासाठी(match) विराट फलंदाजीचा सराव करत होता. त्याच्या बॅटमधून एकापेक्षा एक शॉट निघत होते. मात्र याचवेळी विराटच्या बॅटमधून निघालेला एक दमदार शॉट थेट स्टेडियमवरील ड्रेसिंग रूमच्या दिशेने गेला आणि जवळील भिंतीला जाऊन आदळला.

विराटने मारलेला हा सिक्स इतका जोरदार होता की ड्रेसिंग रूम जवळील भिंतीला भोक पडून तो बॉल पार गेला. विराट कोहली जवळपास अनेक महिन्यांनी टेस्ट क्रिकेट खेळण्यासाठी उतरणार आहे. यापूर्वी जानेवारीमध्ये साऊथ आफ्रिकेविरुद्ध टेस्ट सिरीज टीम इंडियाने खेळली होती, परंतु विराटने वैयक्तिक कारणामुळे यातून माघार घेतली होती.

भारत विरुद्ध बांगलादेश यांच्यात आतापर्यंत झालेल्या टेस्ट सीरिजमध्ये बांगलादेश एकही सीरिज जिंकू शकलेली नाही. असं असलं तरी टीम इंडिया बांगलादेशला हलक्यात घेण्याची चूक करणार नाही. कारण बांगलादेशने नुकतंच पाकिस्तानला त्यांच्याच होम ग्राउंडवर खेळवण्यात आलेल्या टेस्ट सीरिजमध्ये पराभूत केलं आहे. बांगलादेशने पाकिस्तानला टेस्ट सिरीजमध्ये 2-0 च्या फरकाने पराभूत केले.

हेही वाचा:

महाराष्ट्र हादरलं! भररस्त्यात गोळीबार अन् पुढे घडल भयंकर

अरविंद केजरीवालांनी एका दगडात तीन पक्षी मारले; राजीनामा देण्याचं नेमकं कारण काय?

संजय राऊत घरकोंबडा, महाविकास आघाडीचे नेते वळू-रेडे, त्यांना चाबकाने फोडून काढणार : सदाभाऊ खोत