निवडणूक जिंकली, तरीही CMपद जाणार; शिंदेंना धक्का? महाशक्तीचा नवा फॉर्म्युला ठरला

मुंबई: विधानसभा निवडणुकीसाठी एकीकडे उमेदवारांच्या(political action committees) घोषणा होत असताना दुसरीकडे भारतीय जनता पक्षानं मित्रपक्षांना नवा फॉर्म्युला दिलेला आहे. जागावाटपात तुम्हाला हव्या असलेल्या जागा मिळतील, पण पुन्हा सत्ता आल्यानंतर मुख्यमंत्रिपद ज्यांच्याकडे अधिक जागा असतील, त्यांचाच होईल, असा फॉर्म्युला भाजपकडून देण्यात आलेला आहे. महायुती मुख्यमंत्री एकनाथ शिंदेंच्या नेतृत्त्वाखालील विधानसभेची निवडणूक लढवत आहे. पण त्यांनी मुख्यमंत्रिपदाचा चेहरा जाहीर केलेला नाही. त्यामुळे निकालानंतर बऱ्याच घडामोडी घडू शकतात.

केंद्रीय गृहमंत्री अमित शहांनी मुख्यमंत्री एकनाथ शिंदे आणि उपमुख्यमंत्री अजित पवार(political action committees) यांच्याशी सविस्तर चर्चा केली. या बैठकीत अनेक महत्त्वाचे निर्णय घेण्यात आले. राज्यात भाजप सर्वाधिक जागा लढवत आहे. पक्षानं आतापर्यंत १२१ उमेदवार जाहीर केले आहेत. त्यामुळे त्यांच्या अधिक जागा निवडून येण्याची शक्यता आहे. या परिस्थितीत पुन्हा एकदा महायुतीचं सरकार येणार असल्यास मुख्यमंत्री भाजपचाच असेल, असे स्पष्ट संकेत भाजपकडून मित्रपक्षांना देण्यात आले आहेत. देवेंद्र फडणवीस यांच्याकडे मुख्यमंत्रिपद जाऊ शकतं.

शिंदेसेना आणि अजिचत पवारांची राष्ट्रवादी भाजपकडे अधिकाधिक जागांची मागणी करत आहे. विधानसभा निवडणुकीत भाजपची कामगिरी सुमार झाल्यास या पक्षांची सत्ता स्थापनेतील भूमिका निर्णायक असू शकते. ते मुख्यमंत्रिपदावरही दावा सांगू शकतात. एकनाथ शिंदे यांना मुख्यमंत्रिपदी कायम राहायचं आहे. त्यासाठी त्यांनी भाजप नेतृत्त्वाला प्रस्तावही दिला होता. महायुतीचा मुख्यमंत्रिपदाचा चेहरा म्हणून आपल्या नावाची घोषणा व्हावी, अशी इच्छा त्यांनी व्यक्त केली होती. पण भाजपनं यासाठी त्यांना कोणताही शब्द दिलेला नाही.

विधानसभेच्या निकालानंतर महायुतीत सत्ता स्थापनेच्या आकड्यापासून दूर राहिल्यास त्यांना काही तडजोडी कराव्या लागू शकतात. नव्या समीकरणांची जुळवाजुळव करायला लागू शकते. त्यामुळे भाजपनं अद्याप तरी मुख्यमंत्रिपदाचा शब्द मित्रपक्षातील कोणालाही दिलेला नाही. २०१९ च्या विधानसभा निवडणुकीत भाजपनं राज्यात सर्वाधिक जागा जिंकल्या. पण तरीही त्यांना अडीच वर्षे विरोधी बाकांवर बसावं लागलं. त्यानंतर शिवसेनेचत फूट पडली. भाजप सत्तेत आला. पण त्यांना मुख्यमंत्रिपद सोडावं लागलं. त्यामुळे मागील ५ वर्षे भाजपला मुख्यमंत्रिपदाचा त्याग करावा लागला आहे.

हेही वाचा :

‘राजकारणातील टरबुज्या…’; बड्या नेत्याचा सर्वात मोठा गौप्यस्फोट

शिखर धवनलाही लागलं लड्डू मुत्त्या बाबांच वेड, फिरता पंखा थांबवत दिला आशीर्वाद, Video Viral

हृतिक रोशनच्या गर्लफ्रेंडने पहिल्या पत्नीला दिल्या वाढदिवसाच्या शुभेच्छा! पोस्ट व्हायरल