झपाटलेल्या बाईच्या अंगातून मांत्रिकाकरवी भूत काढण्याचा अघोरी प्रकार कोल्हापुरात उघडकीस आलाय.(possessed ) कोल्हापुरातल्या पंचगंगा नदी घाटावर हा प्रकार घडला असून रात्रीच्या अंधारात पंचगंगा घाटावर मांत्रिकाकडून भूत काढण्याचा अघोरी प्रकार केला जात असल्याच व्हिडिओमध्ये दिसून येत आहे. हा सर्व प्रकार सोमवारी रात्री 9 ते 11 च्या दरम्यान घडल्याचं काही प्रत्यक्षदर्शींनी सांगितलय. याप्रकरणी अद्याप कोणावरही कारवाई झाली नसून थेट पंचगंगा घाटावर अशा प्रकारची घटना घडल्यामुळे संबंधित मांत्रिकावर तातडीने कारवाई करण्याची मागणी करण्यात आलीय.
राजर्षी छत्रपती शाहू महाराजांच्या कोल्हापूर नगरीत आजवर कधीच अंधश्रद्धेला स्थान मिळालं नाही. मात्र गेल्या काही दिवसात भोंदूगिरीचे अनेक प्रकार कोल्हापुरात घडत आहेत. या भोंदूगिरीला कोल्हापुरातील अनेक सर्वसामान्य नागरिक बळी पडत असून असाच एक प्रकार काल रात्री उघडकीस आलाय. पंचगंगा नदी घाटावर झपाटलेल्या असल्याच्या संशयावरून एका महिलेवर मांत्रिकाकडून भूत काढण्याचा अघोरी प्रकार सुरू असल्याच समोर आलाय. (possessed ) विशेष म्हणजे हा सर्व प्रकार रात्री 10 ते 11 च्या दरम्यान घडल्याचं स्थानिक प्रत्यक्षदर्शी यांनी सांगितलय. हा प्रकार इतका भयानक होता की याचे व्हिडिओ सोशल मीडियामध्ये व्हायरल झाले असून एकच खळबळ उडालीय.
पुरोगामी कोल्हापुरात बाईच्या अंगातून भूत काढण्याचा अघोरी प्रकार, भोंदू बाबाचा, Video सोशल मीडियाावर व्हायरल #kolhapur #KolhapurNews #KolapurViralVideo #MarathiNews pic.twitter.com/NP2RQKeH6S
— Harish Malusare (@harish_malusare) June 10, 2025
व्हायरल होत असलेल्या व्हिडिओ आणि प्रत्यक्षदर्शीनी सांगितलेल्या माहितीनुसार, कोल्हापुरातील पंचगंगा घाट येथे रात्री दहा ते अकराच्या दरम्यान पाच ते सहा पुरुष आणि एक महिला पंचगंगा घाट परिसरात आले. इतक्यात तथाकथित मांत्रिक घाटावर पोहोचला. सर्वजण घाटावर नदीकिनारी बसून जेवत असताना अचानक आरडाओरडा सुरू झाली. महिला झपाटलेली असल्याचा म्हणत त्या मांत्रिकाने तिला जोरजोरात ओरडायला लावलं, तिच्या अंगावर फुंकी मारली, काही विचित्र क्रिया केल्या. (possessed ) आरडाओरडा होत असल्याचं तिथेच बाजूला बसलेल्या काही नागरिकांना कानावर पडताच ते तेथे पोहोचले. त्यातील एका व्यक्तीने हा सर्व प्रकार मोबाईल मध्ये कैद केला.
दरम्यान, प्रत्यक्षदर्शी व्यक्तींनी काही सामाजिक कार्यकर्त्यांना बोलावून घेतलं. मांत्रिकाला जाब विचारण्यास गेल्यानंतर घाबरून मांत्रिक तेथून पळून गेला. मात्र या घटनेचा व्हिडिओ सोशल मीडियामध्ये व्हायरल झाल्यानंतर एकच खळबळ उडाली असून शाहूंच्या या नगरीत भोंदूगिरीला स्थान नाही. अशा भोंदूगिरी करणाऱ्या बाबांवर पोलिसांनी त्वरित कारवाई करावी अशी मागणी प्रत्यक्षदर्शी आणि सामाजिक कार्यकर्त्यांनी केलीय.
हेही वाचा :
