काँग्रेसची फजिती! राहुल गांधींच्या सभेच्या होर्डिंगवर मोदी सरकारमधील मंत्र्यांचा फोटो

मागील काही दिवसांत काँग्रेस नेत्यांच्या वक्तव्यामुळे अनेकदा अडचणींचा सामना करावा लागला आहे. त्यात आता (advertise on billboard)या होर्डिंगची भर पडली असून, व्हिडिओ सोशल मीडियात व्हायरल होत आहे.

पंतप्रधान नरेंद्र मोदींच्या सभेची तयारी असो, की निवडणुकाची रणनीती ठरवणे, भाजपचे नेते पदाधिकाऱ्यांकडून प्रत्येक गोष्टीकडे बारकाईने लक्ष दिले जात आहे. विरोधकांना टीकेची एकही संधी मिळू न देण्याची काळजी पक्षाकडून घेतली जाते, पण दुसरीकडे प्रमुख विरोधी पक्ष असलेल्या काँग्रेसची स्थिती सध्या उलट आहे. पक्षाचे नेते राहुल गांधींपासून इतर बड्या नेत्यांची भाषणे असोत की, प्रचार सभांचे नियोजन, सत्ताधारी भाजपच्या हाती आयते कोलित मिळालेच म्हणून समजा. अशीच फजिती आजही झाली.

मध्य प्रदेशातील सिवनी येथे राहुल गांधी यांची आज सभा होणार आहे. त्यासाठी (advertise on billboard)स्थानिक पदाधिकाऱ्यांनी भले मोठे होर्डिंग तयार केले आहे. राहुल यांच्यासह मल्लिकार्जुन खर्गे, सोनिया गांधी, प्रियांका गांधी, अनेक स्थानिक नेत्यांचे फोटो या होर्डिंगवर आहेत. पण याच फलकावर भाजपचे नेते आणि केंद्रीय मंत्री फग्गन सिंह कुलस्ते यांचाही फोटो छापण्यात आला होता.

सभेच्या ठिकाणी हे होर्डिंग उभारताना स्थानिक पदाधिकाऱ्यांच्या फग्गन सिंह यांचा फोटो लक्षात आला. त्यानंतर हा फोटो झाकण्यासाठी लगबग सुरू असल्याचा व्हिडिओ सोशल मीडियात व्हायरल झाला आहे. या व्हिडिओमुळे काँग्रेसची चांगलीच फजिती झाली. फोटो तातडीने झाकण्यासाठी लगबग सुरू असल्याचे व्हिडिआमध्ये दिसते.

राहुल यांची आज मध्य प्रदेशात पहिलीच सभा आहे. राज्यातील प्रचाराचे रणशिंग ते फुंकणार आहेत. या सभेपूर्वीच होर्डिंगमुळे पक्षावर नामुष्की ओढवली. फग्गन सिंह यांचा फोटो प्रियांका गांधी यांच्या फोटोखालीच ठळकपणे छापण्यात आला आहे. त्यामुळे पक्षातील पदाधिकाऱ्यांच्या नियोजनावरच प्रश्नचिन्ह उपस्थित केले जात आहे.

दरम्यान, मागील काही महिन्यांपासून काँग्रेस नेत्यांकडूनच सेल्फ गोल केले (advertise on billboard)जात आहेत. भाषणांतील काही वक्तव्यांमुळे भाजपला टीकेची संधी मिळत आहे. राहुल गांधी यांचे मुंबई, दिल्लीतील भाषण, सुप्रिया श्रीनेत यांचे कंगना रनौतवरील ट्विट असो की रणदीप सुरजेवाला यांचे हेमा मालिनी यांच्याविषयीचे विधान… ही मालिका थांबतच आहे. लोकसभा निवडणुकीच्या रणधुमाळीत भाजपने प्रचारात आघाडी घेतलेली असताना काँग्रेसच्या नेत्यांमुळे भाजपच्या हाती आयते कोलित मिळत असल्याचे सध्याचे चित्र आहे.

हेही वाचा :

पोरींचा राडा… भररस्त्यात तुफान हाणामारी; घटनेचा व्हिडिओ व्हायरल

कोल्हापुर : शाहू महाराजांना संसदेत पाठवण्यासाठी मविआची वज्रमूठ सभा

हेलिकॉप्टरने मतदार आणण्याची तयारी, त्यांनी किती पैसा गोळा केला जयंत पाटील यांची हसन मुश्रीफांवर सडकून टीका