उद्या बँका बंद? ‘या’ शहरांनी जाहीर केला Bank Holiday; महाराष्ट्रातील कोणती शहरं?

संपूर्ण देशाला प्रतिक्षा लागलेल्या लोकसभा निवडणुकीच्या पहिल्या टप्प्यातील मतदान(holiday)उद्या म्हणजेच 19 एप्रिलला होणार आहे. मतदान सुरळीत पार पडावं यासाठी निवडणूक आयोगाने सर्व तयारी केली आहे. लोकांनी घऱाबाहेर पडून जास्तीत जास्त प्रमाणात मतदान करावं असं आवाहन निवडणूक आयोगाकडून वारंवार केलं जात आहे. दरम्यान, निवडणुकीची टक्केवारी वाढावी या हेतूने मतदानाच्या पहिल्या दिवशी काही शहरांमध्ये बँक हॉलिडेची घोषणा कऱण्यात आली आहे.

मतदानाच्या पहिल्या दिवशी काही देशातील अनेक शहरांमध्ये बँका बंद(holiday) ठेवल्या जाणार आहेत. अत्यावश्यक सेवांमध्ये व्यत्यय न आणता निवडणूक प्रक्रियेत नागरिकांचा सहभाग सुनिश्चित करण्यासाठी ही उपाययोजना करण्यात आली आहे. नेमक्या कोणत्या शहरांमध्ये बँका बंद असणार आहेत याची सविस्तर माहिती जाणून घ्या.

चेन्नई, देहरादून, इटानगर, जयपूर, कोहिमा, नागपूर आणि शिलॉन्ग येथील बँका 19 एप्रिल 2024 रोजी बंद राहतील. लोकसभा निवडणूक, तसंच अरुणाचल प्रदेश विधानसभा निवडणूक 2024 आणि कन्याकुमारी जिल्ह्यातील विलावनकोड मतदारसंघातून तामिळनाडू विधानसभेची पोटनिवडणूक याच्या आधारे हा बँक हॉलिडे जाहीर करण्यात आला आहे.

लोकसभा निवडणुकीसाठी सात टप्प्यात मतदान होणार आहे. 19 एप्रिलपासून मतदानाला सुरुवात होणार असून यानंतर 26 एप्रिल, 7 मे, 13 मे, 20 मे, 25 मे आणि 1 जून 2024 पर्यंत चालू राहील.

निवडणुकीत जास्तीत जास्त नागरिक सहभागी व्हावेत यासाठी काही राज्यांनी विशेष तरतूद केली आहे. ही शहरं कोणती आहेत याबद्दल जाणून घ्या.

1) उत्तराखंड सरकारने 19 एप्रिल हा दिवस सार्वजनिक सुट्टी म्हणून घोषित केला आहे. उत्तराखंड सरकारच्या सामान्य प्रशासन विभागाने हा निर्णय जारी केला आहे.

2) नागालँडच्या गृह विभागाने शुक्रवारी, 19 एप्रिल 2024 रोजी राज्यातील सर्व कर्मचाऱ्यांना त्यांच्या मतदानाचा हक्क बजावता यावा यासाठी सशुल्क सुट्टी जाहीर केली आहे. हा निर्णय लोकप्रतिनिधी कायदा, 1951 च्या कलम 135B शी संरेखित आहे.

3) तमिळनाडू सरकारने 19 एप्रिलला सार्वजनिक सुट्टी जाहीर केली आहे, सर्व 39 लोकसभा जागांसाठी होणाऱ्या सार्वत्रिक निवडणुका आणि विलावनकोड विधानसभा मतदारसंघाच्या पोटनिवडणुकीच्या अनुषंगाने ही सुट्टी जाहीर कऱण्यात आली आहे.

मतदानाच्या पार्श्वभूमीवर अरुणाचल प्रदेश, आसाम, बिहार, छत्तीसगड, मध्य प्रदेश, महाराष्ट्र, मणिपूर, मेघालय, मिझोराम, नागालँड, राजस्थान, सिक्कीम, तामिळनाडू, त्रिपुरा, उत्तर प्रदेश आणि उत्तराखंड या राज्यांनी 19 एप्रिलला बँक सुट्टी जाहीर केली आहे.

हेही वाचा :

काय सांगता! लोकसभेचा अर्ज भरण्यासाठी चक्क रेड्यावरुन एन्ट्री

रतन टाटा ‘या’ अभिनेत्रीच्या पडले होते प्रेमात; आजही आहेत चांगले मित्र

शिल्पा शेट्टी, राज कुंद्रा पुन्हा अडचणीत, ईडीची मोठी कारवाई, बॉलिवूड हादरलं..