रणबीर कपूरचा रियल हीरो मोमेंट! चाहतीने आलियाचा हात पकडला अन्… Video व्हायरल
मुंबई: बॉलिवूड सेलिब्रिटींना त्यांच्या चाहत्यांकडून मोठ्या प्रमाणात प्रेम आणि पाठिंबा मिळतो. त्यांच्यासोबत फोटो काढण्याची आणि त्यांना जवळून पाहण्याची प्रत्येक चाहत्याची इच्छा असते. मात्र, कधी कधी हा उत्साह एवढा वाढतो की चाहते मर्यादा ओलांडतात. असाच एक अनपेक्षित प्रकार नुकताच आलिया भट्टसोबत घडला आणि त्याचा व्हिडिओ सध्या सोशल मीडियावर जबरदस्त व्हायरल(viral) होत आहे.
आलिया भट्ट बॉलिवूडमधील टॉप अभिनेत्रींपैकी एक आहे आणि तिच्या चाहत्यांची संख्याही लाखोंच्या घरात आहे. नुकतंच ती तिच्या पती रणबीर कपूरसोबत एका खास कार्यक्रमाला गेली होती. त्यावेळी तिच्या एका उत्साही चाहतीने तिला पाहताच थेट तिचा हात पकडला. हा प्रकार अचानक घडल्यामुळे आलिया क्षणभर गोंधळली. मात्र, रणबीर कपूर तिच्यासोबत असल्याने त्याने तातडीने परिस्थिती हाताळली आणि आलियाला सुरक्षितपणे त्या परिस्थितीतून बाहेर काढलं.
हा संपूर्ण प्रसंग एका व्हिडिओमध्ये कैद झाला आहे, जो आता सोशल मीडियावर मोठ्या प्रमाणात शेअर केला जात आहे. व्हिडिओमध्ये स्पष्ट दिसत आहे की आलियाला पाहताच चाहती तिच्याकडे धावून येते आणि फोटोसाठी थेट तिचा हात पकडते. यामुळे आलिया अस्वस्थ होते(viral), मात्र रणबीर तिथेच असतो. तो ताबडतोब आलियाच्या आणि चाहतीच्या मध्ये येतो . रणबीरचा हा प्रोटेक्टिव्ह अंदाज पाहून त्याच्या चाहत्यांनी सोशल मीडियावर त्याचं कौतुक करायला सुरुवात केली आहे.
हा प्रकार संजय लीला भन्साळी यांच्या वाढदिवसाच्या सेलिब्रेशनदरम्यान घडला. आलिया आणि रणबीर जेव्हा या पार्टीला जात होते, तेव्हा चाहत्यांची मोठी गर्दी झाली होती. त्याच वेळी या अतिउत्साही चाहतीने मर्यादा ओलांडत आलियाचा हात पकडला. पण रणबीरने संपूर्ण प्रसंग सहज आणि संयमीपणे हाताळला.
रणबीर कपूरचा आलियासाठी असलेला हा स्वभाव पाहून चाहते त्याचं भरभरून कौतुक करत आहेत. अनेकांनी सोशल मीडियावर कमेंट्स करत, “असाच नवरा प्रत्येकाला मिळावा!” असं म्हटलं आहे. रणबीर आणि आलियाच्या बॉन्डिंगवर पुन्हा एकदा प्रेमाचा वर्षाव होत आहे. रणबीर कपूरने पुन्हा एकदा सिद्ध केलं की तो केवळ एक जबरदस्त अभिनेता नाही तर एक परफेक्ट नवरा देखील आहे.
हेही वाचा :
दहावीच्या विद्यार्थ्यांसाठी महत्त्वाची बातमी, आता वर्षातून दोन वेळा परीक्षा
धक्कादायक! शिवशाही बसमध्ये महिलेवर बलात्कार..
धक्कादायक! दर मिनिटाला एका महिलेचा ‘या’ कॅन्सरने मृत्यू; WHO च्या रिपोर्टमधून मोठा दावा
