धक्कादायक घटना ;सलमान खान याच्या घराबाहेर गोळीबार

अभिनेता सलमान खानच्या गोळीबार झाल्याची बातमी आली आहे. सलमानच्या वांद्रे येथील गॅलेक्सी अपार्टमेंटबाहेर आज म्हणजेच रविवारी पहाटे ५ च्या सुमारास हि घटना घडली. साड्या घटना स्थळावरून मिळालेल्या माहितीनुसार, 2 अज्ञात हेल्मेट घालून दुचाकीवर गॅलेक्सी अपार्टमेंटजवळ दाखल झाले होते.त्यांनंतर त्यांनी पहाटे 5 वाजण्याच्या सुमारास 4 राऊंड फायरिंग अर्थात गोळीबार केला. या घटनेत कोणतीही जीवितहानी झालेली नाही परंतू सदर प्रकरणी सलमानच्या घराजवळीस सीसीटीव्हीच्या आधारे वांद्रे पोलिसांकडून 2 अज्ञातांचा शोध घेतला जातोय. त्यामुळे हा गोळीबार नेमका कोणी केला? कुठल्या उद्देशाने ते आले होते ? याचा लवकरच उलगडा होईल

सलमान खान आलेला धमकीचा मेल

सांगायचं झालं तर, बॉलिवूडच्या दबंग खान याच्याकडे व्हाय प्लस सुरक्षा आहे… गेल्या वर्षी सलमान खान याच्या ऑफिसमध्ये धमकीचा ईमेलही पाठवण्यात आला होता. सलमानच्या जवळच्या प्रशांत गुंजाळकरला रोहित गर्गकडून धमकीचा मेल आला होता. या ईमेल प्रकरणी लॉरेन्स बिश्नोई, गोल्डी ब्रार आणि रोहित गर्ग यांच्यावर तक्रार देखील दाखल करण्यात आली होती.

सलमान खान का आहे लॉरेन्स बिश्नोई याच्या निशाण्यावर?

एनआयएच्या चौकशीत लॉरेन्स बिश्नोईने सांगितलं की, सलमानला त्याच्या हिटलिस्टमध्ये टॉपवर ठेवलं आहे. त्याचं कारणही त्याने सांगितले. 1998 मध्ये सलमान खान यानं काळवीटाची शिकार केली होती. त्यामुळे तो सलमान खानवर नाराज होता. बिश्नोई समाजात हरणाची पूजा केली जाते. त्यामुळे लॉरेन्स बिश्नोई सलमान खानच्या जीवाचा शत्रू बनला आहे.