आज शेअर बाजारात खरेदी होणार का? काय आहे तज्ज्ञांचा अंदाज?

शुक्रवारी अखेर बाजारातील घसरणीचा ट्रेंड थांबला आणि सेन्सेक्स-निफ्टी(stock market) तेजीसह बंद झाले. निफ्टीमध्ये सुमारे 90 अंकांची वाढ दिसून आली. सेन्सेक्स 360 अंकांनी वाढून 72664 वर बंद झाला. त्याचवेळी निफ्टी 98 अंकांनी वाढून 22055 वर बंद झाला. बँक निफ्टी 67 अंकांनी घसरून 47,421 वर बंद झाला. मिडकॅप 423 अंकांनी वाढून 49,532 वर बंद झाला.

शुक्रवारी भारतीय बाजार(stock market) मोठ्या प्रमाणावर सकारात्मक दिसून आल्याचे जिओजित फायनान्शिअल सर्व्हिसेसचे विनोद नायर म्हणाले. मात्र, बाजारातील महागडे मूल्यमापन आणि कमी मतदानाची टक्केवारी पाहता गुंतवणूकदारांच्या मनात निवडणुकीची अस्वस्थता आहे, त्यामुळे विक्री दिसून आली.

दर कपातीला विलंब, महागाईची चिंता, कॉर्पोरेट निकालांमधील घसरण आणि महागडे मूल्यांकन यामुळे एफआयआय भारतीय बाजारात विक्री करत आहेत.

परदेशी बाजारातून मिळालेल्या मजबूत संकेतांच्या आधारे शुक्रवारी बाजारात चांगले शॉर्ट कव्हरिंग दिसून आले, त्यामुळे बाजार हिरव्या रंगात बंद झाल्याचे मेहता इक्विटीजचे प्रशांत तपासे यांनी सांगितले. पण, तीव्र इंट्राडे चढउतार पाहता, बाजाराचा एकूण कल अजूनही सावध राहण्याचा आहे.

पुढील काही आठवड्यांत गुंतवणूकदार त्यांच्या इक्विटी एक्सपोजरवर लक्ष ठेवून राहतील कारण निवडणुकीच्या आघाडीवरून येणाऱ्या कोणत्याही नकारात्मक बातम्यांमुळे आगामी काळात मोठ्या प्रमाणात विक्री होऊ शकते.