देशातील सर्वसामान्यांना महागाईचा आणखी एक मोठा फटका बसला असून, इंधनाच्या दरांमध्ये पुन्हा एकदा भडका उडाला आहे. गेल्या केवळ दहा दिवसांच्या कालावधीत चक्क चौथ्यांदा इंधनाच्या किमती वाढवण्यात आल्या आहेत. तेल कंपन्यांनी मध्यरात्री जारी केलेल्या नवीन आदेशानुसार, २५ मे रोजी पहाटे सहा वाजेपासून संपूर्ण देशभरात हे सुधारित दर लागू करण्यात आले आहेत. (Petrol and diese) यामुळे आता पेट्रोल शंभरी पार गेले असून डिझेलनेही पंचाण्णव रुपयांचा टप्पा ओलांडला आहे.
नवीन दरांनुसार देशातील प्रमुख महानगरांमधील आजचे भाव तेल विपणन संस्थांनी पेट्रोलपंप चालकांना पाठवलेल्या अधिकृत ईमेलद्वारे या ताज्या दरवाढीची माहिती दिली. या नव्या बदलानुसार, पेट्रोलच्या किमतीत प्रति लिटर २.६१ रुपयांची मोठी भर पडली आहे, तर डिझेलचे दर प्रति लिटर २.७१ रुपयांनी कडाडले आहेत. या वाढीचा थेट परिणाम म्हणून, राजधानी दिल्ली शहरात आता वाहनधारकांना पेट्रोल खरेदीसाठी ९९.५१ रुपयांच्या ऐवजी थेट १०२.१२ रुपये मोजावे लागतील.(Petrol and diese) तसेच, दिल्लीतील डिझेलचा प्रति लिटर दरही ९२.४९ रुपयांवरून वधारून आता ९५.२० रुपयांवर जाऊन पोहोचला आहे.
राजधानीव्यतिरिक्त इतर प्रमुख महानगरांमध्येही इंधनाच्या किमती गगनाला भिडल्या आहेत. नवीन आकडेवारीनुसार, देशाची आर्थिक राजधानी असलेल्या मुंबई शहरात आजपासून एक लिटर पेट्रोलसाठी १११.२१ रुपये तर डिझेलसाठी ९७.८३ रुपये असा भाव असेल. दुसरीकडे, कोलकाता येथे पेट्रोलचे सुधारित दर ११३.५१ रुपये आणि डिझेलचे दर ९९.८२ रुपये प्रति लिटर निश्चित करण्यात आले आहेत. (Petrol and diese) तसेच, दक्षिण भारतातील चेन्नई या महानगरात आज पेट्रोल १०७.७७ रुपये आणि डिझेल ९९.९५ रुपये प्रति लिटर या उच्चांकी दराने विकले जात आहे.
मागील दहा दिवसांतील दरवाढीचा चढता आलेख आणि टप्पे या ताज्या वाढीपूर्वी, अवघ्या दोन दिवसांआधी म्हणजे शनिवार, २३ मे रोजी ग्राहकांना दरवाढीचा शॉक देण्यात आला होता. त्यावेळी पेट्रोलच्या दरात ९१ पैशांची वाढ नोंदवली गेल्याने भाव ९८.६४ रुपयांवरून ९९.५१ रुपयांवर गेले होते. याच दिवशी डिझेलमध्ये ८६ पैशांची वाढ होऊन ते ९१.५८ रुपयांवरून ९२.४९ रुपये प्रति लिटर झाले होते. (Petrol and diese) त्याच्या काही दिवस आधी, १९ मे रोजीही इंधनाचे दर बदलण्यात आले होते. या तारखेला पेट्रोल ८७ पैशांनी तर डिझेल ९१ पैशांनी महागले होते, ज्यामुळे दिल्लीत पेट्रोलचे मूल्य ९७.७७ वरून ९८.६४ रुपये आणि डिझेलचे मूल्य ९०.६७ वरून ९१.५८ रुपयांपर्यंत वाढले होते.
इंधनाच्या दरांचा हा वाढता आलेख १५ मे रोजी सुरू झाला होता. विशेष म्हणजे, एप्रिल २०२२ नंतर पहिल्यांदाच या दिवशी दरांमध्ये बदल करण्यात आला होता. १५ मे रोजी पेट्रोलच्या दरात थेट ३.१४ रुपयांची मोठी उडी पाहायला मिळाली, परिणामी त्याचे दर ९४.६७ रुपयांवरून ९७.७७ रुपये प्रति लिटरवर जाऊन स्थिरावले. याच दिवशी डिझेलच्या किमतीतही प्रति लिटर ३.११ रुपयांची भरमसाठ वाढ करण्यात आली होती, ज्यामुळे ८७ रुपयांना मिळणारे डिझेल थेट ९०.६७ रुपयांवर पोहोचले होते.
हेही वाचा
डोनाल्ड ट्रम्पच्या मुलीवर प्राणघातक हल्ल्याचा प्रयत्न