पेट्रोल ५० दिवसात स्वस्त करणार होते, दीडपट वाढवले, लोकांनो पाकीटमार शोधा : शरद पवार

दहा वर्षांपूर्वी पंतप्रधान नरेंद्र मोदी(petrol near me) म्हणाले होते की, पेट्रोलचे भाव ५० दिवसांत खाली आणतो. ५० दिवसांत दर खाली आले नाहीत पण भाव दीडपट वाढले. यांनी पेट्रोल, डिझेल महाग केले आणि साखर, दूध स्वस्त केलं. तुम्ही जे पिकवता ते स्वस्त केलं आणि दुसरे पिकवतात त्यासाठी तुमच्या खिशातून पैसे काढले काढले. सांगताना सांगतात की सगळ्यांच्या खिशात काही हजार रुपये टाकले.

मात्र पैसे घालायचे एका खिशात आणि खालच्या खिशातून काढून(petrol near me) घ्यायचे आणि तेही डबल काढून घ्यायचे, आता ही पाकीटमारी बंद करायची की नाही? आणि पाकीटमारी बंद करायची असेल तर हा पाकीटमार कोण? याचा शोध घ्यावा लागेल आणि त्यांना बाजूला करावे लागेल, असा घणाघाती हल्ला ज्येष्ठ नेते शरद पवार यांनी पंतप्रधान नरेंद्र मोदी यांच्यावर चढवला.

बारामती तालुक्यातील कन्हेरी येथे आज सुप्रिया सुळे यांच्या प्रचाराचा शुभारंभ करण्यात आला. येथील मारुती मंदिरात ज्येष्ठ नेते शरद पवार, खासदार सुप्रिया सुळे यांच्या हस्ते नारळ वाढविण्यात आला. यावेळी आमदार रोहित पवार यांच्यासह संपूर्ण पवार कुटुंबीय उपस्थित होते.

उपमुख्यमंत्री अजित पवार यांनी एका मेळाव्यात ईव्हीएम मशीनमध्ये कचाकचा बटन दाबा. आपल्या भागाला निधी कमी पडू देणार नाही, असे वक्तव्य केले होते. हाच धागा पकडत शरद पवार म्हणाले की, “आपल्याला वाद वाढवायचे नाहीत. संघर्ष वाढवायचा नाही. आपल्याला मनापासून काम करायचे आहे आणि हे काम करत असताना तुतारीचे बटन दाबा. काल कुणीतरी सांगितले की, बटन कसं दाबायचं. ते मी सांगणार नाही” पवारांच्या या क्तव्यानंतर एकच हशा पिकला.

बटन असं दाबलं की तुम्हाला काही कमी पडणार नाही. या खोलात मी जाऊ इच्छित नाही मात्र… देणे घेणे करून मते मागण्याची आमची भूमिका नाही. इथे काम करायचे, लोकांना शक्ती द्यायची, लोकांची सेवा करायची आणि मते मागायची ही आमची भूमिका आहे, अशा शब्दांत शरद पवारांनी उपमुख्यमंत्री अजित पवार यांचा वक्तव्याचा समाचार घेतला.

यंदाच्या बारामती लोकसभा निवडणुकीकडे महाराष्ट्रासहित देशाचे लक्ष लागले आहे. म्हणूनच वेगवेगळ्या राज्यांसह अमेरिकेतील पत्रकार मोठ्या उत्सुकतेने बारामतीत दाखल झाले आहेत. सर्वांना उत्सुकता आहे की बारामतीकर काय करतात. त्यांना माहिती आहे की, हे काय जित्राब (गंमतीने) साधे नाही. जिथे शिकवायचा आहे तिथे धडा शिकवतात. जिथे ठोस काम करायचे आहे तिथे ठोस काम करतात, असे म्हणत त्यांनी बारामतीकरांचेही कौतुकही केले.

हेही वाचा :

भर मैदानात फिल्डींगवरून भिडले हार्दिक-रोहित? Video Viral

शरद पवारांनी डाव टाकला अन्…महायुतीचं टेन्शन आणखीच वाढलं!

फडणवीस, पवारांना भेटलेले जानकर राष्ट्रवादीत प्रवेश करणार की स्वतंत्र अस्तित्व ठेवणार?