पुण्यातील कोंढवा परिसरात भरधाव वेगात असलेल्या इनोव्हा कारने(vehicle) १३ वर्षीय मुलाचा जीव घेतल्याची धक्कादायक घटना घडली आहे. मृत बालकाचे नाव निवृत्ती बाजीराव किसवे असून, भोलेनाथ चौकात सायंकाळच्या सुमारास घडलेल्या या अपघाताने संपूर्ण परिसरात हळहळ व्यक्त होत आहे.
प्रत्यक्षदर्शींच्या माहितीनुसार, इनोव्हा चालवत असलेला चालक आपले वाहन प्रचंड वेगात चालवत होता. अचानक त्याचे वाहनावरील(vehicle) नियंत्रण सुटल्याने निवृत्तीला जोरदार धडक बसली. धडकेमुळे तो रस्त्यावर दूर फेकला गेला आणि त्याचा जागीच मृत्यू झाला.
अपघात पाहताच स्थानिक नागरिकांनी तत्काळ घटनास्थळी धाव घेतली. त्यांनी संतापाच्या भरात चालकाला पकडून मारहाण केली तसेच त्याच्या वाहनाची तोडफोड केली. घटनेची माहिती मिळताच कोंढवा पोलीस तत्काळ घटनास्थळी पोहोचले आणि जैद नसीर शेख (वय २३) या आरोपीला ताब्यात घेतले.
चालकाने अपघातावेळी मद्यप्राशन केले होते का, याची चौकशी पोलीस करत असून घटनेचा सखोल तपास सुरू आहे. परिसरात संतप्त वातावरण निर्माण झाले असून, नागरिकांनी वाहतूक सुरक्षेबाबत कठोर उपाययोजना करण्याची मागणी केली आहे. ही घटना रस्त्यावरील वेगमर्यादा, वाहतूक सुरक्षेचे नियम आणि प्रशासनाच्या कारवाईवर पुन्हा एकदा गंभीर प्रश्न उपस्थित करते.
हेही वाचा :
प्रसिद्ध दिग्दर्शकाची गळफास घेऊन आत्महत्या, मनोरंजन विश्वात खळबळ!
अकरावीची ऑनलाइन प्रवेश प्रक्रिया सुरू, संपूर्ण Schedule विद्यार्थी व पालकांना माहिती असायलाच हवं!
ब्रेकिंग : कर्नल सोफिया कुरेशी विधानप्रकरणी विजय शाहंना दणका; SIT स्थापन करण्याचे SC चे आदेश
