आयपीएलच्या 19 व्या मोसमातील साखळी फेरीचा अखेर रोमांचक शेवट झाला. तब्बल 59 दिवसांच्या क्रिकेट थरारानंतर प्लेऑफसाठी पात्र ठरणारे चार संघ निश्चित झाले. रविवारी झालेल्या डबल हेडरमधील पहिल्या सामन्यात राजस्थान रॉयल्सने मुंबई इंडियन्सवर मात करत प्लेऑफमध्ये धडक मारली. (playoffs) त्यानंतर दुसऱ्या सामन्यात दिल्ली कॅपिटल्सने कोलकाता नाईट रायडर्सवर विजय मिळवत स्पर्धेचा शेवट गोड केला.
या मोसमात रॉयल चॅलेंजर्स बंगळुरुने सुरुवातीपासूनच दमदार खेळ करत अव्वल स्थान कायम राखलं. गुजरात टायटन्स आणि सनरायझर्स हैदराबाद यांनीही सातत्यपूर्ण कामगिरी करत प्लेऑफमध्ये प्रवेश मिळवला. चौथ्या जागेसाठी राजस्थान, कोलकाता आणि पंजाब यांच्यात शेवटपर्यंत चुरस पाहायला मिळाली. (playoffs) मात्र मुंबईविरुद्धच्या महत्त्वाच्या सामन्यात राजस्थानने विजय मिळवत अखेर प्लेऑफचं शेवटचं तिकीट आपल्या नावावर केलं.पंजाब किंग्सने मोसमाची सुरुवात शानदार केली होती. सुरुवातीच्या सामन्यांमध्ये संघाने प्रभावी कामगिरी केली, पण नंतरच्या टप्प्यात सातत्य राखण्यात अपयश आलं. शेवटचा सामना जिंकूनही पंजाबला प्लेऑफचं स्वप्न अपूर्ण ठेवावं लागलं.
दिल्ली कॅपिटल्सने शेवटच्या सामन्यात विजय मिळवत आपली स्थिती सुधारली. कोलकात्यालाही अपेक्षित यश मिळालं नाही. यंदाच्या मोसमात सर्वाधिक निराशा चेन्नई सुपर किंग्स आणि मुंबई इंडियन्सच्या चाहत्यांना झाली. (playoffs) दोन्ही संघांना अपेक्षेप्रमाणे कामगिरी करता आली नाही. चेन्नईने मधल्या टप्प्यात पुनरागमनाचा प्रयत्न केला, मात्र ते अपुरं ठरलं. मुंबई आणि लखनौ या दोन्ही संघांचा मोसमही निराशाजनक राहिला.आता सगळ्यांचं लक्ष प्लेऑफच्या लढतींकडे लागलं असून यंदा विजेतेपद कोण पटकावणार याची उत्सुकता क्रिकेट चाहत्यांमध्ये शिगेला पोहोचली आहे.
हेही वाचा
डोनाल्ड ट्रम्पच्या मुलीवर प्राणघातक हल्ल्याचा प्रयत्न