पाकिस्तानच्या व्हाट्सॲप ग्रुपसोबत महाराष्ट्राच्या तरुणाचा संबंध
![](https://alphabetnews.in/wp-content/uploads/2024/05/image-247.png)
नांदेड: पाकिस्तानमधील एका व्हाट्सऍप(whatsapp b) ग्रुपसोबत कनेक्ट राहिल्याप्रकरणी नांदेड जिल्ह्यातील संशयित तरुणाला गुजरात राज्यातील सुरत येथील पोलिसांनी ताब्यात घेतले आहे. शेख शकील शेख सत्तार (१९) असं या तरुणाचं नाव असून तो जिल्ह्यातील नायगाव तालुक्यातील नरसी येथील रहिवासी आहे.
जैश बाबा राजपूत या व्हाट्सऍप(whatsapp b) ग्रुपवर सनातन संघाचे राष्ट्रीय अध्यक्षांसह काही पत्रकारांना जीवे मारण्यासंदर्भात चॅटिंग केल्याचा संशय आहे. याच संशयावरून गुजरातच्या तपास यंत्रणेकडून तरुणाला ताब्यात घेतल्याची माहिती आहे. गुजरात पोलिसांच्या या कारवाईने नांदेड जिल्ह्यात खळबळ उडाली आहे.
पाकिस्तान हा देश विघातक कृत्य करणारा देश म्हणून ओळखला जातो. पाकिस्तान येथील वकास आणि सरफराज हे दोघे जैश बाबा राजपूत नावाचा व्हॉट्सॲप ग्रुप चालवतात. या ग्रुपमध्ये गुजरातच्या सुरतमधील सोहेल टिमोल आणि बिहारमधील शहनाज हे दोघे सामील आहेत.
शिवाय नांदेड जिल्ह्यातील शेख शकील शेख सत्तार आणि अन्य एक जण या ग्रुपमध्ये असल्याची माहिती सुरत येथील पोलिसांना मिळाली. आरोपींनी या ग्रुपमध्ये सनातन संघाचे राष्ट्रीय अध्यक्ष उपदेश राणा, हैदराबादचे आमदार राजासिंह, सुदर्शन वृत्त वाहिनीचे संपादक सुरेश चव्हाण, नुपूर शर्मा यांना जीव मारण्याची धमकी संदर्भात चॅटिंग केली. तसेच परदेशातून शस्त्रे विकत आणण्यासाठी या ग्रुपमध्ये चॅटिंग झाल्याचेही आढळून आले.
![](https://alphabetnews.in/wp-content/uploads/2024/05/image-246.png)
या प्रकरणी सुरत येथील डीसीबी पोलीस ठाण्यात कलम १५३-A,४६७, ४६८, ४७१, १२०-B भा.दं.वि. सहकलम ६६-D,६७, ६७-A आय.टी.ॲक्टनुसार गुन्हा नोंद करण्यात आला आहे. तपासादरम्यान आरोपींच्या व्हॉट्सॲप चॅटिंगमध्ये नांदेडचा शेख शकील शेख सत्तार हा देखील सहभागी असल्याने गुजरात राज्यातील पोलीस नांदेडमध्ये धडकले. नांदेड पोलिसांच्या मदतीने गुजरात येथील पोलीस रविवारी पहाटे नरसी येथे घरी पोहचून त्या तरुणाची चौकशी केली.
चौकशीनंतर शेख शकील शेख सत्तार याला ताब्यात घेऊन पोलीस सुरतकडे रवाना झाले. शेख शकील हा बीएससीचं शिक्षण घेत आहे. तो नरसी येथे कुणाच्याही जास्त संपर्कात राहत नव्हता, अशी माहिती आहे. दरम्यान त्याच्या अन्य एका मित्राला नोटीस देऊन सोडून देण्यात आल्याची माहिती आहे. या कारवाईबाबत नांदेड पोलिसांकडून कमालीची गुप्तता पाळण्यात आली.
हेही वाचा :
सांगलीतील उमेदवार विशाल पाटलांची बदनामी, दोघांविरोधात गुन्हा नोंद
भाजप उमेदवारानं हटवले मुस्लीम महिलांच्या चेहऱ्यारचे बुरखे
बायकोचा दिवाना! पत्नी नांदायला आली नाही म्हणून सात ठिकाणी बॉम्बस्फोट करण्याची धमकी