वैद्यकीय आणि पशुपालन क्षेत्रात सरकारी नोकरीच्या(jobs) संधीच्या प्रतीक्षेत असलेल्या उमेदवारांसाठी मोठी संधी आहे. महाराष्ट्र लोकसेवा आयोगाने पशुधन विकास अधिकारी आणि सहाय्यक प्राध्यापक या पदांसाठी भरती प्रक्रिया सुरू केली आहे. या भरती मोहिमेत एकूण 995 पदे भरली जाणार असून, निवड झाल्यास उमेदवारांना दीड लाख रुपयांपर्यंत पगार मिळणार आहे.
या पदांसाठी पात्र आणि इच्छुक उमेदवारांनी लवकर अर्ज करावा, कारण ही सरकारी नोकरीची(jobs) मोठी संधी आहे. भरतीची अधिसूचना mpsc.gov.in या अधिकृत संकेतस्थळावर प्रकाशित करण्यात आली असून, अर्जाची प्रक्रिया ऑनलाइन पद्धतीने पार पडणार आहे.
या भरती प्रक्रियेत पशुधन विकास अधिकारी पदासाठी 279 जागा, तर सहाय्यक प्राध्यापक पदासाठी 716 जागा उपलब्ध आहेत. एलडीओ पदासाठी उमेदवाराकडे पशुवैद्यकीय विज्ञान किंवा पशुवैद्यकीय विज्ञान आणि पशुसंवर्धन या विषयातील बॅचलर पदवी असणे आवश्यक आहे.
सहाय्यक प्राध्यापक पदासाठी एमडी, एमएस, डीएनबी किंवा पीएचडी पदवी आवश्यक असून एक वर्षाचा वरिष्ठ निवासी अनुभव असणे बंधनकारक आहे.
वयोमर्यादा आणि निवड प्रक्रिया :
उमेदवारांचे वय 18 ते 40 वर्षांच्या दरम्यान असावे. आरक्षणानुसार मागासवर्गीय उमेदवारांना वयामध्ये सवलत दिली जाईल. निवड प्रक्रिया स्क्रीनिंग टेस्ट आणि मुलाखत या टप्प्यांद्वारे होणार आहे. परीक्षेच्या तारखा आणि प्रवेशपत्रे याबाबतची माहिती आयोग स्वतंत्रपणे जाहीर करणार आहे.
पगार किती मिळेल? :
– या पदांसाठी मिळणाऱ्या पगाराची रक्कमही उमेदवारांसाठी आकर्षण ठरणार आहे.
– एलडीओ पदासाठी: ₹56,100 ते ₹1,77,500 प्रति महिना
– सहाय्यक प्राध्यापक पदासाठी: ₹57,700 ते ₹1,82,200 प्रति महिना
– ही वेतनश्रेणी 7व्या वेतन आयोगानुसार निश्चित करण्यात आली असून त्यात विविध भत्त्यांचाही समावेश आहे.
अर्ज करण्याची प्रक्रिया :
– सर्वप्रथम उमेदवारांनी mpsc.gov.in या अधिकृत वेबसाइटला भेट द्यावी.
– त्यानंतर ‘ऑनलाइन अर्ज’ विभागात जाऊन संबंधित पदाची लिंक निवडावी.
– नवीन नोंदणी करावी आणि लॉगिन करून अर्ज भरावा.
– आवश्यक कागदपत्रे अपलोड करावी आणि फी भरून अर्ज सबमिट करावा.
हेही वाचा :
पुढचे 24 तास वादळी पाऊस, ऊन-वाऱ्याचे…
गर्लफ्रेंडला नूडल्स भरवत होता मुलगा तेवढ्यात आईने पकडलं अन्… Video Viral
फक्त चालल्याने Fat loss होतो का? की मसल्स तयार होतात? जाणून घ्या
