राज्यातील गृह विभागाने एक महत्त्वपूर्ण निर्णय घेतला असून, (Department)आता पोलीस हेड कॉन्स्टेबल यांनाही गुन्ह्यांचा तपास करण्याचा अधिकार प्रदान करण्यात आला आहे. राज्यामध्ये गुन्हेगारी वाढत असल्याच्या पार्श्वभूमीवर आणि पोलिसांवरील कामाचा वाढता ताण लक्षात घेता हा निर्णय घेण्यात आला आहे. विशेषतः सायबर गुन्ह्यांचे वाढते प्रमाण पोलिसांसाठी एक मोठी समस्या बनली आहे.अपुऱ्या मनुष्यबळामुळे पोलीस यंत्रणेवर अतिरिक्त भार येत असून, गृह विभागाने आता यावर उपाय म्हणून हा नवीन निर्णय घेतला आहे. या निर्णयामुळे पोलीस दलातील मनुष्यबळाची कमतरता काही प्रमाणात भरून निघेल, अशी अपेक्षा आहे.
यापूर्वी, गुन्ह्यांचा तपास करण्याचा अधिकार केवळ पोलीस उपनिरीक्षक आणि त्यावरील अधिकाऱ्यांकडेच होता. मात्र, आता महाराष्ट्र शासनाच्या गृह विभागाने याबाबत राजपत्र जारी करत पोलीस हेड कॉन्स्टेबल यांनाही गुन्ह्यांच्या तपासाचे अधिकार दिले आहेत. तथापि, यासाठी काही विशिष्ट अटी आणि पात्रता निकष निश्चित करण्यात आले आहेत. (Department)यानुसार, गुन्ह्यांचा तपास करण्यासाठी पोलीस हेड कॉन्स्टेबल पदवीधर असणे आवश्यक आहे.
तसेच, त्यांनी पोलीस दलात किमान सात वर्षांची सेवा पूर्ण केलेली असावी. याव्यतिरिक्त, गुन्हे अन्वेषण प्रशिक्षण विद्यालय, नाशिक येथे त्यांनी सहा आठवड्यांचे विशेष प्रशिक्षण यशस्वीरित्या पूर्ण केलेले असावे आणि त्यासंबंधी परीक्षा उत्तीर्ण होणेही अनिवार्य आहे. गृह विभागाने ९ मे २०२५ रोजी याबाबतचे राजपत्र प्रकाशित करून हे निर्देश जारी केले आहेत.
शहरी भागांमध्ये पोलिसांच्या मनुष्यबळाची कमतरता जाणवत असली तरी, तेथे अधिकाऱ्यांची संख्या तुलनेने ठीक आहे. त्यामुळे शहरी भागातील गुन्ह्यांचा तपास पोलीस उपनिरीक्षक आणि त्यावरील अधिकाऱ्यांकडे सोपवला जातो. परंतु, ग्रामीण भागांमध्ये अपुऱ्या मनुष्यबळासोबतच अधिकाऱ्यांची संख्याही कमी आहे. यामुळे एकाच अधिकाऱ्याकडे अनेक गुन्ह्यांचा तपास सोपवल्याने त्यांच्यावर कामाचा प्रचंड ताण येतो आणि गुन्हे उघडकीस येण्याचे प्रमाणही कमी असल्याचे निदर्शनास आले आहे.
दरम्यान, पोलीस दलात आता उच्चशिक्षित तरुणांची भरती झाली असल्याने, त्यांच्या अनुभवाचा आणि कौशल्याचा उपयोग करून घेण्यासाठी गृह विभागाने हा निर्णय घेतला आहे. (Department) या नवीन निर्णयामुळे वरिष्ठ अधिकाऱ्यांवरील कामाचा भार काही प्रमाणात कमी होईल आणि गुन्हे उघडकीस आणण्याच्या दरात वाढ होईल, असा विश्वास गृह विभागाने व्यक्त केला आहे.याच उद्देशाने गृह विभागाने हा महत्त्वपूर्ण निर्णय घेतला असल्याचे सांगितले जात आहे. पोलीस दलातील कर्मचाऱ्यांमध्ये या निर्णयामुळे एक नवीन उत्साह निर्माण होण्याची शक्यता आहे आणि ते अधिक प्रभावीपणे गुन्ह्यांचा तपास करू शकतील, अशी आशा व्यक्त केली जात आहे.
हेही वाचा :
कामाच्या वेळेत गर्लफ्रेंडसोबत सेक्स करताना मृत्यू; न्यायालयाने दिला मोठा निर्णय
‘त्या’ प्रकरणात कुख्यात गुंड अरुण गवळी निर्दोष, न्यायालयाचा महत्त्वाचा निर्णय
रॉटविलर कुत्रा कोणाचाच नसतो, चार महिन्याच्या मुलीसोबत जे केलं, ते ऐकून थरकाप उडेल
